शुक्रवार, 19 एप्रिल 2024
  1. लाईफस्टाईल
  2. आरोग्य
  3. आरोग्य सल्ला
Written By

Avoid Green Peas कोणी खाऊ नये हिरवे वाटाणे, या 5 लोकांसाठी वाटाणे खाणे हानिकारक

Green peas
Avoid Green Peas हिवाळा सुरू झाला आहे, त्यामुळे बाजारात सर्वत्र हिरव्या भाज्या पाहायला मिळतात. या हंगामात हिरवे वाटाणेही मोठ्या प्रमाणात वापरले जातात. बहुतेक घरांमध्ये नाश्त्यात हिरवे वाटाणे खाल्ले जातात. मटारच्या करीपासून मटारच्या पराठ्यांपर्यंत ते हिवाळ्यातील आवडते पदार्थ मानले जातात. पण रोज हिरवे वाटाणे खाणे योग्य आहे का? जर होय, तर दररोज किती प्रमाणात सेवन केले जाऊ शकते?
 
हिरवे वाटाणे आरोग्यासाठी खूप महत्वाचे
मटारच्या पोषक तत्वांबद्दल सांगायचे तर, त्यात अँटिऑक्सिडंट्स आणि कार्बोहायड्रेट्ससह फायबर आणि व्हिटॅमिन सी असते. याशिवाय यामध्ये प्रथिनांचे प्रमाणही जास्त असते. आपल्या रोजच्या आहारात ही सर्व पोषकतत्त्वे योग्य प्रमाणात असणे गरजेचे आहे. परंतु शरीरात या पोषक तत्वांचे प्रमाण जास्त असल्यास ते अनेक आरोग्य समस्यांचे कारण बनतात.
 
अशा परिस्थितीत हिरवे वाटाणे तुमच्यासाठी हानिकारक ठरू शकतात
डायबिटीज- रक्तातील ग्लुकोजचे प्रमाण वाढल्याने रक्तातील साखरेचे संतुलन बिघडू शकते. मटारच्या अतिसेवनामुळेही तुमचा मधुमेह होऊ शकतो. आहारतज्ज्ञांच्या मते हिरव्या वाटाणामध्ये साखर आणि स्टार्चचे प्रमाण जास्त असते. जर ते जास्त प्रमाणात घेतले तर त्यामुळे तुमची साखर वाढू शकते. यासोबतच त्याचा ग्लायसेमिक इंडेक्सही जास्त आहे. त्यामुळे मधुमेहाने त्रस्त असलेल्यांनी याचे सेवन कमी प्रमाणात करावे.
 
कोणत्याही प्रकारची जखम- हिरव्या वाटाणामध्ये 'व्हिटॅमिन के' देखील जास्त प्रमाणात असते, ज्यामुळे जखम बरी होण्यास जास्त वेळ लागतो. व्हिटॅमिन केच्या उपस्थितीमुळे, ते रक्त पातळ करते, ज्यामुळे जखमा भरण्यास वेळ लागू शकतो.
 
प्लेटलेट्स कमी असल्यास- शरीरातील प्लेटलेट्स कमी झाल्यामुळे व्यक्तीला अंतर्गत रक्तस्त्राव देखील होऊ शकतो. तज्ञांच्या मते, हिरव्या मटारमध्ये व्हिटॅमिन के जास्त प्रमाणात असल्यामुळे ते तुमचे प्लेटलेट्स कमी करू शकतात. याशिवाय यामुळे तुम्हाला मोठ्या प्रमाणात रक्ताची कमतरता देखील सहन करावी लागू शकते.
 
पोटाच्या समस्या- मटारमध्ये कार्बोहायड्रेट्स आणि फायबर चांगल्या प्रमाणात असतात. त्यामुळे मटारचे जास्त सेवन केल्याने पोटाचा त्रास होऊ शकतो. आहारतज्ञांच्या मते जर तुम्ही मटार जास्त प्रमाणात खात असाल तर त्यामुळे सूज येणे, बद्धकोष्ठता आणि गॅस सारख्या समस्या उद्भवू शकतात.
 
वजन कंट्रोल- जर तुम्ही वजन कमी करण्याच्या प्रवासात असाल, तर तुम्ही तुमच्या आहारात योग्य प्रमाणात हिरव्या वाटाणा समाविष्ट करा. ज्याप्रमाणे हिरव्या वाटाण्यामुळे मधुमेह वाढू शकतो, त्याचप्रमाणे शरीरात कार्बोहायड्रेट, फायबर आणि प्रोटीनचे प्रमाण जास्त असल्याने वजन वाढू शकते.

हाय यूरिक अॅसिड- ही समस्या असल्यास मटारचे सेवन करणे टाळावे. यात प्रोटीन, अमीनो अॅसिड, व्हिटॅमिन डी आणि फायबर भरपूर प्रमाणात असतं. परंतु यामुळे शरीरात यूरिक अॅसिड देखील वाढू लागतं. अती प्रमाणात याचे सेवन केल्याने अर्थरायटिस किंवा गाउटची समस्या उद्भवू शकते.
 
किती प्रमाणात मटार खाणे योग्य ?
कोणत्याही पदार्थाचे अती प्रमाणात सेवन करणे हानिकारक ठरतं. त्याचप्रमाणे मटारचे जास्त प्रमाणात सेवन करणे देखील तुमच्या आरोग्यासाठी हानिकारक ठरू शकते. अशा परिस्थितीत हिरवा वाटाणा किती प्रमाणात खावा असा प्रश्न पडतो. जरी हिरवे वाटाणे हे आरोग्यासाठी उत्कृष्ट असले तरी दररोज 50 ग्रॅमपेक्षा जास्त सेवन करणे आरोग्यासाठी हानिकारक असू शकते.