सतत आनंदी राहण्यासाठी
|
* समोरच्या माणसातील चांगल्या गोष्टी दाखवून त्याला प्रोत्साहित करा. स्वत:बद्दल कमी बोला.
* दर दोन दिवसांनी एखादे गुलाबाचे फुल आणा व त्याला घरामध्ये किंवा ऑफिसमध्ये योग्य स्थान द्या.
* आवडते गाणे पुन्हा पुन्हा ऐका व गुणगुणत रहा.
* चांगल्या विचारांचे एखादे छोटेसे पुस्तक स्वत:जवळ बाळगा व एखादा विचार घेऊन त्यावर मनन-चिंतन करा
* चालण्याची गती थोडी वाढवा व ताठ मनाने स्मित व्यक्त करत आवडत्या पेहरावात समाजात वावरा
* लहान मुलांमध्ये मिसळा व काही काळ त्याच्यासारखेच होऊन वावरा
* जास्तीत जास्त शुद्ध हवा शरीरात जाईल याची काळजी घ्या दिर्घ श्वसन करा
* स्वत:च्या चांगल्या पेहरावातील हसर्या चेहर्याचा फोटो नजरेला सतत पडेल असा ठेवा
* एखादी बाग, देऊळ नैसर्गिक वातावरणाच्या ठिकाणी प्रसन्नता अनुभवत दहा पंधरा मिनिटे घालवा
* नकारत्मक शब्दांचा वापर पुर्णपणे टाळुन, उत्साहपूर्ण चांगल्या शब्दाचा वापर रोजच्या संभाषणात करा
* विनोदी सिरीयल पाहताना खळखळुन हसा व शरीराची हालचाल होऊ द्या.
|
* शरीरातील त्र्यैशी टक्के संवेदना ह्या डोळ्यांच्या माध्मातून होत असतात. या करीता भोवतालचे वातावरण प्रसन्नपूर्वक व प्रकाशयुक्त ठेवा.
* रिकामे मन सैतानाचे घर असते त्याकरिता स्वत:ला आवडत्या छंदामध्ये गुंतवा, सतत काहीतरी करत रहा.
* संगीतमध्ये उत्साह जागृत करण्याची शक्ती आहे, रोजचे काम करताना आवडीचे संगीत बॅकग्राउंडला चालु असुद्या.
* चिडचिडेपणा, डोक्याला आठ्या पाडणारा स्वभाव उखडून टाका. मनाला सतत शांत व प्रसन्न राहण्याची सुचना करा.
* विनोदाला जीवनात महत्वाचे स्थान द्या, कोणत्याही वातावरणात मोकळेपणा आणण्यास तो मदतगार ठरतो.
