Home Remedies : पोटाच्या विकारावर गुण देणारी - बडीशेप
- रात्रभर पाण्यामध्ये एक मोठा चमचा बडीशेप भिजत ठेवावी. सकाळी ते पाणी प्यावं. त्यामुळे लघवीचा दाह कमी होतो. लघवीचा रंग सफेद होतो.
- गोड, उष्ण, कफवातनाशक गुणधर्माची बडीशेप अत्यंत सुगंधी आणि रुचकर आहे.
- भोजनानंतर चिमूटभर बडीशेप तशीच किंवा विड्यात मिसळून खायचा आपला प्रघात आहे.
- कोरडा खोकला किंवा तोंड आलं असेल तर बडीशेप चावून तोंडात धरावी.
- उन्हामुळे डोकं दुखत असेल तर बडीशेप वाटून डोक्यावर त्याचा लेप लावावा.
- मासिक पाळीच्या वेळी बर्‍याच स्त्रियांना पोटदुखी होते. सकाळ, संध्याकाळ १/१ चमचा बडीशेप खाल्ल्यानं पोटदुखी थांबते.
- बडीशेप खाल्ल्यानं पोटातील मुरडा कमी होतो.
- लहान मुलांना पोटदुखी, पोटफुगी, पातळ शौचास होत असेल तर बडीशेप भिजवलेलं पाणी द्यावं.
- लहान मुलांना अजीर्ण, अपचनामुळे पोटात मुरडा मारतो आणि मूल रडू लागते. त्यावर ‘ग्राईप वॉटर’ हे पोटातील मुरडा थांबवणारे औषध द्यायची पद्धत आहे. यामध्ये बडीशेपेचा अर्क असतो.
- १ चमचा बडीशेप पावडर, तेवढीच सुंठ पावडर गरम पाण्यासह रात्री झोपण्यापूर्वी घेतल्यास शौचास चिकट आव पडायची थांबते. पचन सुधारते.
- बडीशेपेपासून काढलेले तेल औषधात वापरतात.
- तापातून नुकत्याच उठलेल्या पेशंटच्या तोंडाला चव नसणं, अन्नावरची वासना उडणं या तक्रारी असतात. त्यांना बडीशेप वरचे वर कोमट पाण्यासह खायला द्यावी. भूक लागते.
