घरात मुंग्या वाढल्या? या 3 घरगुती उपायांनी मिळेल त्वरित आराम
घरात मुंग्यांचा सुळसुळाट झाला की अन्नाची नासाडी तर होतेच, पण चिडचिडही वाढते. विशेषतः स्वयंपाकघरात साखरेच्या डब्याभोवती किंवा ओट्यावर मुंग्यांचे साम्राज्य असेल, तर ते स्वच्छ करणे मोठे आव्हान असते. केमिकल स्प्रे वापरण्याऐवजी तुम्ही हे ३ सोपे आणि प्रभावी घरगुती उपाय करून पाहू शकता.
१. लवंग
मुंग्यांना लवंगाचा तीव्र वास अजिबात सहन होत नाही. ज्या ठिकाणी मुंग्या जास्त येतात किंवा त्यांचे वारूळ आहे, तिथे ३-४ लवंगा ठेवा.
कसे वापरावे: साखरेच्या डब्यात नेहमी २-३ लवंगा टाकून ठेवा, यामुळे साखरेला मुंग्या लागणार नाहीत.
२. पांढरा व्हिनेगर
मुंग्या त्यांच्या मागे एक विशिष्ट गंध सोडतात, ज्याचा मागोवा घेत इतर मुंग्या येतात. व्हिनेगर हा गंध नष्ट करतो.
कसे वापरावे: पाणी आणि व्हिनेगर समप्रमाणात (१:१) एकत्र करून एका स्प्रे बाटलीत भरा. जिथून मुंग्या येतात तिथे हा स्प्रे मारा किंवा त्या पाण्याने फरशी पुसून घ्या.
३. दालचिनी पावडर
लवंगाप्रमाणेच दालचिनीचा सुवासही मुंग्यांना पळवून लावण्यासाठी उत्तम आहे. दालचिनीमुळे मुंग्यांचा मार्ग विस्कळीत होतो.
कसे वापरावे: मुंग्यांच्या प्रवेशद्वारावर किंवा कोपऱ्यात दालचिनीची पावडर टाका. तुम्ही दालचिनीच्या तेलाचा वापर करून कापसाचे गोळेही तिथे ठेवू शकता.
काही अतिरिक्त उपाय-
लिंबाचा रस: लिंबाच्या साली किंवा रस मुंग्यांच्या वाटेवर ठेवल्याने त्या लांब पळतात.
मिठ: कोमट पाण्यात थोडे जास्त मीठ टाकून ते पाणी मुंग्यांच्या जागेवर शिंपडा.
तसेच मुंग्या टाळण्यासाठी रात्री झोपण्यापूर्वी ओटा कोरडा ठेवा आणि अन्नाचे कण जमिनीवर पडू देऊ नका.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
Edited By- Dhanashri Naik
