सोमवार, 3 ऑक्टोबर 2022
  1. मराठी ज्योतिष
  2. वास्तुशास्त्र
  3. वास्तुसल्ला
Written By
Last Updated: गुरूवार, 30 जून 2022 (08:28 IST)

Astrology For Job नोकरी मिळविण्यासाठी उपाय

नोकरीचे उपाय जाणून घेण्यासाठी हा लेख खूप उपयुक्त ठरेल. बेरोजगारीच्या या युगात आज प्रत्येकजण नोकरी मिळवण्याच्या प्रयत्नात आहे. आज प्रत्येकाला सरकारी आणि खाजगी नोकऱ्यांमध्ये यश हवे असते पण सततच्या अपयशाने त्रस्त होतो. अशा परिस्थितीत प्रत्येक व्यक्तीला नोकरी मिळवण्याचे मार्ग जाणून घ्यायचे असतात. धर्म आणि ज्योतिष शास्त्रामध्ये नोकरीच्या उपायाबाबत अनेक गोष्टी सांगण्यात आल्या आहेत. नोकरी कशी मिळवायची ते या लेखाद्वारे जाणून घेऊया.
सरकारी नोकरीसाठी टिप्स
भगवान शंकराची आराधना करा- इच्छित काम मिळण्यासाठी भगवान शिवाची पूजा करावी. दर सोमवारी, शिवाच्या मंदिरात जा आणि कच्चे दूध, अक्षता अर्पण करा आणि भोलेनाथला आपले मनातील इच्छा सांगा. असे केल्याने तुमच्या कामातील सर्व अडचणी दूर होतील. नोकरी मिळविण्यासाठी भगवान शिवाची पूजा करणे हा एक महत्त्वाचा मार्ग आहे.
भगवान शंकराचा आशीर्वाद मिळविण्यासाठी पारद शिवलिंगाची पूजा करा. 
 
बजरंग बलीला खुश करा- चांगली नोकरी मिळवण्यासाठी हवेत उडणारे हनुमानजींचे चित्र घरात लावा. यासोबतच मंगळवारी श्री हनुमान चालिसाचे पठण करावे. कोणत्याही महिन्याच्या मंगळवारपासून 40 दिवस रोज अनवाणी बजरंगबलीच्या मंदिरात जा आणि त्यांना लाल गुलाब अर्पण करा.
हनुमान यंत्र : हनुमान यंत्राची प्रतिष्ठापना केल्याने बजरंगबली प्रसन्न होईल.
 
गणपतीची पूजा करा - नोकरीच्या समाधानासंदर्भात कोणत्याही चतुर्थीच्या दिवशी गणेशजींचे असे चित्र घरात लावावे, ज्यामध्ये त्यांची सोंड उजवीकडे वळलेली असेल. यासोबतच विघ्नहर्त्या गणेशाची पूजा करावी. त्यांच्यासमोर लवंग आणि सुपारी अर्पण करा. मुलाखतीला जाताना ती लवंग आणि सुपारी सोबत घेऊन जा, सर्व काम सिद्ध होईल.
 
नोकरी मिळविण्यासाठी काही खास टिप्स
मुलाखतीला जाताना वाटेत एखादी गाय दिसली तर तिला मैदा, गूळ खाऊ घाला.
एका लिंबावर चार लवंगा ठेवा आणि 'ॐ श्री हनुमते नम:' या मंत्राचा 108 वेळा जप करून लिंबू सोबत घ्या. तुमचे काम नक्कीच होईल.
नोकरीच्या मुलाखतीला जाण्यापूर्वी  'ॐ नम: भगवती पद्मावती ऋद्धि-सिद्धि दायिनी' या मंत्राचा 108 वेळा जप करा. मनापासून जप केल्यास तुमची इच्छा पूर्ण होईल.
दररोज सकाळी सात प्रकारचे धान्य मिसळून पक्ष्यांना खाऊ घाला आणि मंदिरात जाऊन देवाचे दर्शन घ्या.
संध्याकाळी हनुमानजीच्या मंदिरात जा आणि “कवन सो काज कठिन जग माहि, जो नहीं होय तात तुम पाहीं” दोहा 108 वेळा पाठ करा.
दर शनिवारी शनिदेवाची पूजा करावी आणि पूजा करताना  “ॐ शं शनैश्चराय नम:” मंत्राचा 108 वेळा जप करावा. असे केल्याने कुंडलीतील कोणत्याही ग्रहामुळे येत असलेले सर्व प्रकारचे अडथळे दूर होतात आणि नोकरी मिळण्याची शक्यता वाढते.
 
नोकरीत बढतीसाठी सोप्या टिपा
मुलाखत देण्यासाठी जाण्यापूर्वी दही-साखर खाऊन घराबाहेर पडा. घरातून बाहेर पडताना उजवा पाय समोर ठेवा, असे केल्याने सर्व शुभ होईल.
मुलाखतीच्या दिवशी सूर्योदयापूर्वी आंघोळ करा आणि त्या पाण्यात थोडी हळद मिसळा. यानंतर देवासमोर 11 अगरबत्ती लावा आणि यशासाठी प्रार्थना करा. नोकरी मिळवण्याचा हा देखील एक खास मार्ग आहे.
यशाचा अटकळ असेल तर शुक्ल पक्षाच्या काळात 7 अख्ख्या गाठी हळद, 7 गुळाचे गाळे, एक रुपयाचे नाणे पिवळ्या कपड्यात टाकून रेल्वे रुळावर फेकून द्यावे. फेकताना म्हणा, काम द्या... असे केल्याने तुमच्या यशाची शक्यता वाढू लागेल.
पुराणात नोकरीच्या उपायासाठी किंवा त्यात यश मिळविण्यासाठी पिंपळाच्या झाडाची सेवा केल्याचा उल्लेख आहे. शास्त्रानुसार पिंपळाच्या झाडावर देव आणि पितरांचे निवासस्थान मानले जाते. रविवार सोडून दररोज सकाळी पिंपळाच्या झाडाला पाणी अर्पण करावे. शनिवारी पाण्यात थोडे दूध मिसळा आणि संध्याकाळी तेलाचा दिवा लावा. असे केल्याने उपजीविकेचे साधन उपलब्ध होईल आणि नोकरी-व्यवसायात फायदा होईल.
लाख प्रयत्न करूनही यश मिळत नसेल तर दूध विहिरीत ओता. हे करताना लक्षात ठेवा की विहीर कोरडी नसावी, त्यात पाणी असावे. हा उपाय करताना याचा उल्लेख कोणाशीही करू नका.