Marathi veg Recipe, Nonveg Recipe | भरल्या कांद्याची भाजी

Download

WD

साहित्य : लहान आकाराचे कांदे सबंद 1/2 किलो. किसलेले कोरडे खोबरे पाव वाटी, तीळ 2 चमचे, पाव वाटी दाणे, 1/2 चमचा जिरे, 1 चमचे धने, 1 चमचा गोडा मसाला, ओले खोबरे, कोथिंबीर, तिखट, मीठ, चिंचेचे पाणी, गूळ, फोडणीचे साहित्य.

कृती : कांद्याच्या वरचा व थोडा खालचा भाग व साल काढून चार फाकी होतील अशी चिरावीत. नंतर खोबर्‍याचा कीस, तीळ व शेंदगाणे, धने, जिरे हे सर्व कोरडे भाजून त्याची पेस्ट करावी. या पेस्टमध्ये चवीप्रमाणे मीठ, तिखट, गूळ, गोडा मसाला, थोडी हळद 1-2 चमचे तेल व चिंचेचे पाणी घालून बारीक वाटावे व हे सर्व मिश्रण कांद्याच्या चार फाकीमध्ये फाक वेगळी होऊ न देता दाबून भरवे. कढाईत फोडणी तयार करून त्यात भरलेले कांदे टाकावेत व मंद आचेवर ठेवून थोड्या वेळाने रस्स्याकरिता गरम पाणी टाकून उकळू द्यावे व साधारण नरम कांदे झाल्यावर त्यात कोथिंबीर व ओले खोबरे टाकावे. ही भाजी फारच चवदार लागते.