खासगी शाळेच्या स्विमिंग पूलमध्ये 14 वर्षीय विद्यार्थ्याचा बुडून मृत्यू, गुन्हा दाखल

Mumbai News मुंबईतील गोरेगाव पूर्व येथील एका खासगी शाळेच्या स्विमिंग पूलमध्ये बुडून एका 14 वर्षीय मुलाचा शुक्रवारी मृत्यू झाला. याबाबत पोलिसांनी माहिती दिली आहे. सध्या पोलिसांनी गुन्हा दाखल करून तपास सुरू केला आहे.

स्थानिक पोलिसांनी सांगितले की, गोरेगाव येथील एका खासगी शाळेतील विद्यार्थ्याचा जलतरण तलावात बुडून मृत्यू झाला. शार्दुल संजय आरोलकर असे या विद्यार्थ्याचे नाव असून, त्याचे वय 14 वर्षे आहे. विद्यार्थ्याला तातडीने शताब्दी रुग्णालयात नेण्यात आले, मात्र डॉक्टरांनी त्याला मृत घोषित केले.

ही घटना दिंडोशी पोलीस ठाण्याच्या हद्दीत घडली असून स्थानिक पोलिसांनी घटनेला दुजोरा दिला असून पुढील तपास सुरू आहे.

काही दिवसांपूर्वी अशाच एका घटनेत मुंबईच्या अक्सा बीचवर जीवरक्षकांनी 18 जूनच्या संध्याकाळी समुद्रात आंघोळ करताना 10 जणांना बुडण्यापासून वाचवले होते. अशी माहिती पोलिसांनी दिली. रविवारी शहरातील मालाड भागातील अक्सा बीचवर मोठी गर्दी जमली होती, त्यादरम्यान अनेक लोक अंघोळ करत असताना समुद्रात 19 जणांचा बुडून मृत्यू झाला.

काही वेळातच जीवरक्षकांनी मदतीसाठी धाव घेतली आणि 10 जणांना सुखरूप बाहेर काढले. तर उर्वरित नऊ जण स्वतःहून बाहेर पडण्यात यशस्वी झाले.