मुंबईत 8 पाकिस्तानींना 20 वर्षांची शिक्षा, अंमली पदार्थांच्या तस्करीप्रकरणी झाली होती अटक
मुंबई : अमली पदार्थांच्या तस्करीप्रकरणी अटक करण्यात आलेल्या आठ पाकिस्तानींना महाराष्ट्रातील विशेष न्यायालयाने 20 वर्षांच्या कारावासाची शिक्षा सुनावली आहे. प्रत्येकी दोन लाख रुपयांचा दंडही ठोठावण्यात आला आहे. 2015 मध्ये सुमारे 7 कोटी रुपये किमतीचे 200 किलोपेक्षा जास्त हेरॉईन जप्त करण्यात आले होते. एनडीपीएस कायद्याच्या खटल्यांचे विशेष न्यायाधीश शशिकांत बांगर यांनी सर्व आठ आरोपींना अंमली पदार्थ विरोधी कायद्यांतर्गत दोषी ठरवले.
भारतीय तटरक्षक दलाने या पाकिस्तानींना ड्रग्जची तस्करी करणाऱ्या बोटीतून पकडले होते. फिर्यादीनुसार, बोटीत 11 ड्रममध्ये तपकिरी पावडरच्या 20 प्लास्टिकच्या गोण्या होत्या. या पाऊचची तपासणी केली असता ही पावडर हेरॉईन असल्याचे निष्पन्न झाले. आरोपींकडून तीन सॅटेलाइट फोन, जीपीएस नेव्हिगेशन चार्ट आणि इतर इलेक्ट्रॉनिक उपकरणेही जप्त करण्यात आली आहेत.
तटरक्षक दलाने या सर्वांना दक्षिण मुंबईतील यलो गेट पोलिसांच्या ताब्यात दिले. विशेष सरकारी वकील सुमेश पुंजवानी यांनी आरोपींना जास्तीत जास्त शिक्षा देण्याची मागणी केली होती. त्याचवेळी बचाव पक्षाच्या वकिलाने न्यायालयाला नम्र भूमिका घेण्याचे आवाहन केले होते, परंतु न्यायालयाने नकार देत आठ आरोपींना कमाल शिक्षा सुनावली.
