1. मराठी बातम्या
  2. महाराष्ट्र न्यूज
  3. मुंबई
  4. 4 year old girl sexually assaulted in Mumbai

धक्कादायक : मुंबईत 4 वर्षीय चिमुरडीवर लैंगिक अत्याचार

Mumbai News: महाराष्ट्रातील मुंबई शहरात धक्कादायक घटना समोर आली आहे. एका 32 वर्षीय व्यक्तीने 4 वर्षाच्या चिमुरडीवर लैंगिक अत्याचार केला असून माहिती मिळताच आजूबाजूच्या लोकांनी आरोपीला पकडून बेदम मारहाण केली आणि नंतर पोलिसांच्या ताब्यात दिल्याचे सांगण्यात येत आहे.
 
पोलिसांनी दिलेल्या माहितीनुसार, अँटॉप हिल परिसरात ही घटना घडल्याचे सांगण्यात येत आहे. आरोपीने आधी चिमुरडीला आमिष दाखवून निर्जनस्थळी नेले. संधी पाहून त्याने चिमुरडीवर लैंगिक अत्याचार केला. नागरिकांनी  सांगितले की, अचानक त्यांना एका मुलीच्या रडण्याचा आवाज आला. आवाजाचा मागोवा घेत ते घटनास्थळी पोहोचले असता आरोपींनी त्यांना पाहून पळून जाण्याचा प्रयत्न केला. पण नंतर लोकांनी त्याला पकडले. व संतप्त लोकांनी आरोपीला  बेदम मारहाण केली.
माहिती मिळताच पोलिसांनी तत्काळ घटनास्थळी पोहचून आरोपीला अटक केली. पीडित मुलीला उपचारासाठी जवळच्या रुग्णालयात दाखल करण्यात आले आहे. पोलिसांनी पुढे सांगितले की, आरोपीविरुद्ध बलात्कार आणि लैंगिक छळाचा गुन्हा दाखल करण्यात आला असून याबाबत पुढील कार्यवाही सुरू आहे.

Edited By- Dhanashri Naik 
पुढील लेख
मुख्यमंत्री एकनाथ शिंदेंनी राज्यपाल यांच्याकडे मुख्यमंत्रिपदाचा राजीनामा सुपूर्द केला