पंतप्रधान मोदींच्या मुंबई दौऱ्यापूर्वी बिल्डरला ड्रोन उडवणं भोवलं; एफआयआर दाखल
मुंबईच्या गमदेवी पोलिसांनी पंतप्रधान नरेंद्र मोदींच्या मुंबई दौऱ्याच्या एक दिवस आधी ड्रोन उडवल्याचा आरोप करत सोमवारी एफआयआर नोंदवला आहे. दक्षिण मुंबईतील पेडर रोडवर ही घटना घडल्याचे पोलिसांनी सांगितले. पीएम मोदी 14 जून रोजी पेडर रोड मार्गे बीकेसीला जाणार होते आणि त्यांच्या भेटीच्या एक दिवस आधी सुरक्षेच्या कारणास्तव संपूर्ण रस्ता तपासण्यात आला. त्याचवेळी एका स्थानिक व्यक्तीने फोन करून पेडर रोडवर ड्रोन उडताना पाहिल्याची माहिती दिली. तपासात ही बाब समोर आली आहे
एका अधिकाऱ्याने सांगितले की, पोलिसांनी तपास सुरू केला, त्यादरम्यान त्यांना कळले की या परिसरात एक इमारत बांधकाम सुरू आहे आणि बिल्डर प्लॉट मॅपिंग आणि जाहिरातींसाठी ड्रोन वापरत आहे.
नियमांनुसार, एखाद्या व्यक्तीने ड्रोन उडवण्यापूर्वी स्थानिक पोलिसांना माहिती दिली पाहिजे जेणेकरून पोलिस कर्मचारी घटनास्थळी तैनात करता येतील. एका अधिकाऱ्याने सांगितले की, "त्यांनी पोलिसांना माहिती दिली नाही ज्यामुळे एफआयआर नोंदवण्यात आला."
