मुंबईत गणेश पंडालसाठी रस्ते खोदले तर खैर नाही! २,००० रुपयांचा दंड आकारला जाईल

मुंबईत गणेश पंडाल उभारण्यासाठी रस्ते किंवा पदपथ खोदणाऱ्यांना प्रत्येक खड्ड्यासाठी २,००० रुपयांचा दंड आकारला जाईल. गणेश मंडळांना मूर्तीची उंची आणि आकार देणे देखील बंधनकारक आहे. अशी माहिती समोर आली आहे. 

गणेशोत्सवाच्या पार्श्वभूमीवर, मुंबई महानगरपालिकेने शहरातील नव्याने बांधलेल्या काँक्रीटच्या रस्त्यांचे नुकसान टाळण्यासाठी एक मोठा निर्णय घेतला आहे. गणेशोत्सवाचे पंडाल उभारण्यासाठी रस्ते किंवा पदपथ खोदल्यास आता प्रत्येक खड्ड्यासाठी २,००० रुपयांचा दंड आकारला जाईल. बीएमसीने गणेश पंडालधारकांना आवाहन केले आहे की, त्यांनी पंडाल उभारण्यासाठी अशा तंत्रज्ञानाचा अवलंब करावा, ज्यामुळे रस्त्यावर किंवा पदपथावर खड्डे पडणार नाहीत.

मिळालेल्या माहितीनुसार यावर्षी गणेशोत्सव मंडळांसाठी आणखी एक बदल करण्यात आला आहे. बीएमसीने नोंदणी अर्जामध्ये गणेश मूर्तीच्या उंची आणि आकाराची माहिती देणे अनिवार्य केले आहे. यामुळे बीएमसीला मंडप आणि मूर्ती संबंधित व्यवस्था, सुरक्षा उपाय आणि वाहतूक व्यवस्थापनाचे अधिक चांगल्या प्रकारे नियोजन करण्यास मदत होईल.

Edited By- Dhanashri Naik