मुंबई : नरिमन पॉइंटजवळील समुद्रात १९ वर्षीय मुलीचा मृतदेह आढळला

दक्षिण मुंबईतील कफ परेड पोलिस स्टेशन अंतर्गत येणाऱ्या नरिमन पॉइंटजवळील समुद्रातून १९ वर्षीय मुलीचा मृतदेह आढळला आहे. वरिष्ठ पोलीस निरीक्षक यांनी सांगितले की, सोमवारी दुपारी १.३० वाजता प्रिन्सेस रोडच्या मागे असलेल्या समुद्रकिनाऱ्यावर स्थानिकांना मुलीचा मृतदेह तरंगताना दिसला.

मिळालेल्या माहितीनुसार दक्षिण मुंबईतील कफ परेड पोलिस स्टेशन अंतर्गत येणाऱ्या नरिमन पॉइंटजवळील समुद्रातून १९ वर्षीय मुलीचा मृतदेह आढळला. पोलिसांनी घटनास्थळी पोहोचून मृतदेह ताब्यात घेतला आणि पोस्टमॉर्टमसाठी जीटी रुग्णालयात पाठवला.

प्राथमिक तपासात मृत महिला मूळची उत्तर प्रदेशची रहिवासी होती आणि कफ परेडमधील मच्छिमार नगर येथे तिच्या पालकांसोबत राहत होती. तपासात असे दिसून आले की रविवारी रात्री ११.३० वाजता मनिता शौचास जाण्यासाठी घराबाहेर पडली आणि बराच वेळ घरी न परतल्याने कुटुंबीय चिंतेत पडले. त्यांनी त्यांच्या मुलीचा शौचालय आणि जवळच्या परिसरात शोध घेतला, परंतु ती कुठेही दिसली नाही. त्यानंतर मनिताच्या वडिलांनी कफ परेड पोलिसांकडे बेपत्ता झाल्याची तक्रार दाखल केली.

Edited By- Dhanashri Naik