नवी मुंबई: वाशी टोल नाक्याजवळ भीषण अपघात, जोडप्याचा मृत्यू

गुरुवारी रात्री वाशी टोल नाक्याजवळ एका भरधाव डंपरने मोटारसायकलवरून जाणाऱ्या जोडप्याला चिरडले, त्यात त्यांचा जागीच मृत्यू झाला. रोशन व्हॅलेरियन लोबो (३९) आणि त्यांची पत्नी जेन्सी रोशन लोबो (३२) अशी मृतांची नावे आहे. ते महात्मा फुले नगर मुंबई येथील रहिवासी आहे.

पोलिसांनी दिलेल्या माहितीनुसार, हे जोडपे आदल्या दिवशी मुंब्रा येथे गेले होते. रात्री ते नवी मुंबईमार्गे त्यांच्या मोटारसायकलवरून घरी परतत असताना, सायन-पनवेल महामार्गावर वाशी टोल नाक्याजवळ मुंबईकडे जाणाऱ्या डंपरने त्यांना धडक दिली. या धडकेत ते गाडीच्या मागच्या चाकाखाली आले आणि जागीच त्यांचा मृत्यू झाला. माहिती मिळताच वाशी पोलिसांनी घटनास्थळी धाव घेतली आणि मृतदेह रुग्णालयात पाठवले. वाशी पोलिस ठाण्याचे वरिष्ठ पोलिस निरीक्षक म्हणाले, "चालकाविरुद्ध गुन्हा दाखल करण्यात आला आहे.
Edited By- Dhanashri Naik