IIT Bombay मध्ये रामायणाचा अपमान ! 8 विद्यार्थ्यांना 1.2 लाख रुपयांपर्यंतचा दंड ठोठावण्यात आला
रामायणावर आधारित नाटकात अश्लीलता आणि हिंदू धर्माचा अपमान केल्याच्या आरोपावरून आयआयटी बॉम्बेमध्ये कारवाई करण्यात आली आहे. संस्थेच्या वार्षिक परफॉर्मिंग आर्ट फेस्टिव्हलमध्ये यावर्षी 31 मार्च रोजी ‘राहोवन’ नावाचे नाटक सादर करण्यात आले. यावेळी प्रभू राम आणि सीता यांच्याबद्दल अपमानास्पद संवाद बोलले गेले.
'राहोवन' या नाटकादरम्यान राम-सीतेवर अशोभनीय टिप्पणी करण्यात आली होती आणि दुहेरी अर्थ असलेले संवादही बोलले गेले होते, असा आरोप आहे. या नाटकाचा व्हिडिओ व्हायरल झाल्यानंतर वाद निर्माण झाला होता. त्यानंतर संस्थेने चौकशीसाठी शिस्तपालन समिती स्थापन केली. आता 'राहोवन'मध्ये सहभागी असलेल्या विद्यार्थ्यांना दंड ठोठावण्यात आला आहे.
अनेक विद्यार्थ्यांनी रामायणावर आधारित या नाटकाला हिंदू धर्म, राम आणि सीता यांचा अपमान असल्याचे सांगत विरोध केला होता. आयआयटी बॉम्बेने या नाटकाचा भाग असलेल्या किमान आठ विद्यार्थ्यांना 1.2 लाख रुपयांपर्यंतचा दंड ठोठावला आहे. यातील काही विद्यार्थी पदवीचे शिक्षण पूर्ण करणार आहेत तर काही कनिष्ठ विद्यार्थी आहेत.
IIT Bombay's play 'Raahovan' mocks Lord Ram & portrays Ramayana in a vulgar & derogatory manner.
— IIT B for Bharat (@IITBforBharat) April 8, 2024
'Raahovan' was publicly played in the Open Air Theatre at @iitbombay on 31st March 2024.
The administration's lack of concern for Hindu gods and culture especially considering the… pic.twitter.com/VHh89ryPAo
विद्यार्थ्यांच्या एका वर्गाने केलेल्या तक्रारीनुसार, रामायणावर आधारित नाटकातील मुख्य पात्रे अपमानास्पद पद्धतीने चित्रित करण्यात आली आहेत. 'राहोवन' हे नाटक अनेक प्रकारे अपमानास्पद असल्याचे तक्रारकर्त्याने सांगितले. स्त्रीवाद दाखवण्याच्या नावाखाली विद्यार्थ्यांनी संस्कृतीची खिल्ली उडवली होती.
तक्रारींनंतर शिस्तपालन कृती समितीच्या शिफारशींच्या आधारे संस्थेने कारवाई केली आहे. वृत्तानुसार, वरिष्ठ विद्यार्थ्यांना 1.2 लाख रुपयांचा दंड ठोठावण्यात आला असून त्यांना जिमखाना पुरस्कारापासून वंचित ठेवण्यात आले आहे. तर कनिष्ठ विद्यार्थ्यांना 40 हजार रुपयांचा दंड ठोठावण्यात आला असून त्यांना वसतिगृहाची सुविधा न देण्याचा निर्णय घेण्यात आला आहे.
