महाराष्ट्र एटीएसची मोठी कारवाई, मुंबईसह राज्यात ४० ठिकाणी छापे
पाकिस्तानी गुंड शहजाद भट्टीशी संबंधित संशयितांच्या शोधात महाराष्ट्र एटीएसने मुंबईसह राज्यभरातील ४० हून अधिक ठिकाणी छापे टाकले. तपास यंत्रणा सोशल मीडिया आणि हवाला संबंधांचा तपास करत आहे.
पाकिस्तानमधून कार्यरत असलेल्या एका गुंडाशी संबंधित देशद्रोह्यांच्या शोधात महाराष्ट्र पोलीस एटीएसने बुधवारी मुंबईसह राज्यभरातील ४० हून अधिक ठिकाणी छापे टाकले.
एका अधिकाऱ्याने सांगितले की, या कारवाईनंतर किमान ४० संशयितांची चौकशी करण्यात आली. काही व्यक्तींच्या संशयास्पद हालचालींची माहिती एटीएसला मिळाली होती. हे संशयित कथितरित्या पाकिस्तानी गुंड शहजाद भट्टी आणि त्याच्या टोळीशी संबंधित आहे.
अधिकाऱ्याने सांगितले की, परदेशातून आपली टोळी चालवणारा भट्टी, भारतातील तरुणांना अवैध कामांमध्ये गुंतवण्याचा प्रयत्न करत होता. महाराष्ट्र दहशतवादविरोधी पथकाने (एटीएस) बुधवारी पहाटे मुंबई, अकोला, नांदेड, पुणे, मीरा रोड, नालासोपारा, नाशिक, जळगाव आणि नागपूरसह राज्यभरातील विविध ठिकाणी छापे टाकले.
Edited by-Dhanashri Naik
