नेव्हल डॉकयार्ड येथे दुरुस्तीदरम्यान जहाजाला आग,सुदैवाने जीवित हानी नाही

दुरुस्तीसाठी आलेल्या भारतीय नौदलाच्या जहाजाला आग लागल्याने मुंबईतील नेव्हल डॉकयार्ड येथे रविवारी सायंकाळी उशिरा हा अपघात झाला. अधिकाऱ्यांनी सोमवारी ही माहिती दिली. आगीचे कारण समजू शकले नसून, या घटनेच्या चौकशीचे आदेश देण्यात आले आहेत.

जहाजावरील नियमित देखभालीचे काम करत असताना ड्युटी कर्मचाऱ्यांना आग लागल्याचे दिसले.जहाजाच्या अग्निशमन दलाने तातडीने कारवाई करत आगीवर नियंत्रण मिळवले. याशिवाय नौदल डॉकयार्ड आणि परिसरातील अग्निशमन दलाचाही या कारवाईत समावेश होता.

आग आटोक्यात आणण्यात आली असून कोणतीही जीवितहानी झाल्याचे वृत्त नाही. जहाजाचे किती नुकसान झाले हे कळू शकलेले नाही. या घटनेची चौकशी करण्याचे आदेश देण्यात आल्याचे नौदल अधिकाऱ्यांनी सांगितले. 

Edited by - Priya Dixit