धक्कादायक ! नवी मुंबईत दोन बहिणींची गळफास घेऊन आत्महत्या
महाराष्ट्रातील नवी मुंबई भागात दोन बहिणींचे मृतदेह कुजलेल्या अवस्थेत त्यांच्या फ्लॅटवर लटकलेले आढळले. मुलींच्या घरातून दुर्गंधी येत असल्याची तक्रार शेजाऱ्यांनी केल्यानंतर ही घटना उघडकीस आली. त्यानंतर त्यांनी पोलिसांना फोन केला.
लक्ष्मी पांथरी (33) आणि तिची बहीण स्नेहा पांथरी (26) या फ्लॅटमध्ये एकत्र राहत होत्या.रबाळे पोलीस ठाण्याच्या अधिकाऱ्याने सांगितले, "पोलिसांनी फ्लॅटच्या दरवाजाचे कुलूप तोडले आणि तेव्हा या दोघी बहिणी छतावर गळफास घेतलेल्या अवस्थेत आढळल्या." दोन्ही बहिणींनी गळफास घेतल्याचा पोलिसांना संशय आहे.
ते म्हणाले की अपघाती मृत्यूची नोंद करण्यात आली आहे. अधिकारी म्हणाले की दोन्ही महिलांनी त्यांच्या घरी खाजगी शिकवणी घ्यायचा आणि क्वचित प्रसंगी शेजाऱ्यांना भेटायच्या.
पोलिसांनी सांगितले की त्यांनी काही वर्षांपूर्वी वडिलांना गमावले होते आणि आईने आत्महत्या केली होती. पोलिसांनी दिलेल्या माहितीनुसार, दोन्ही महिलांना अखेर शुक्रवारी पाहिले होते. या प्रकरणाचा पुढील तपास सुरू असल्याचे पोलिसांनी सांगितले.
