कर्ज दिले नाही तर बँकेला बॉम्बने उडवून देण्याची बँकेच्या चेअरमनला फोन वरून धमकी

स्टेट बँक ऑफ इंडियाच्या (एसबीआय) दक्षिण मुंबईतील कार्यालयात कर्ज मंजूर न केल्याने बँकेच्या चेअरमन ला धमकावल्याची घटना उघडकीस आली आहे.अज्ञात व्यक्तीने फोन करून 10 लाख रुपयांच्या कर्जाची मागणी केली, कर्ज न दिल्यास त्याने चेअरमनचे अपहरण करून जीवे मारण्याची धमकी दिली.तसेच कार्यालय बॉम्बने उडवून देण्याची धमकी दिली आहे.

पोलिस अधिकाऱ्याने सांगितले की, नरिमन पॉइंट परिसरातील कॉर्पोरेट सेंटर येथील एसबीआय चेअरमनच्या स्वीय सहाय्यकाच्या कार्यालयात धमकीचा फोन आला होता.या संदर्भात दाखल केलेल्या तक्रारीच्या आधारे दुसऱ्या दिवशी अज्ञात कॉलरविरुद्ध एफआयआर नोंदवण्यात आला. अधिकाऱ्याने सांगितले की तपासादरम्यान पोलिसांना कळले की हा कॉल पश्चिम बंगालमधून करण्यात आला होता, त्यामुळे मुंबई पोलिसांचे एक पथक संशयिताचा शोध घेण्यासाठी आणि त्याला पकडण्यासाठी कोलकाता येथे रवाना झाले आहे.

 बँक कार्यालयाचे सहाय्यक सुरक्षा व्यवस्थापक अजय कुमार श्रीवास्तव यांच्या वतीने गुरुवारी तक्रार दाखल करण्यात आली होती, असे अधिकाऱ्याने सांगितले.त्यानुसार कॉलरने स्वत:ची ओळख मोहम्मद झिया-उल-अली अशी करून दिली आणि बँकेला त्याचे 10 लाखांचे कर्ज मंजूर करावे लागेल, असे सांगितले."कर्ज मंजूर न केल्यास एसबीआयच्या चेअरमनचे अपहरण करून त्यांची हत्या केली जाईल आणि बँकेचे कॉर्पोरेट कार्यालय उडवून दिले जाईल, अशी धमकी कॉलरने दिली होती," असे अधिकाऱ्याने सांगितले.

पोलिसांनी त्या व्यक्तीविरुद्ध एफआयआर नोंदवला आहे.पोलिसांनी या प्रकरणाचा तपास सुरू केल्याचे त्यांनी सांगितले.ज्या फोन नंबरवरून धमकीचा कॉल आला होता त्याचे कॉल डिटेल रेकॉर्ड (सीडीआर) मिळाले आहेत. आरोपींना पकडण्यासाठी मुंबई पोलिसांचे एक पथक पश्चिम बंगालला रवाना झाले आहे.

Edited By- Priya Dixit