मुंबईत भरधाव वेगात असलेली कार पुलावरून कोसळून तिघांचा मृत्यू, एकाची प्रकृती गंभीर
रविवारी पहाटे मुंबईच्या कोस्टल रोडवर झालेल्या एका रस्ते अपघातात तीन जणांचा मृत्यू झाला आणि एक जण गंभीर जखमी झाला. हा अपघात लोटस जेट्टीजवळ पहाटे ५:२० च्या सुमारास घडला. बीएमसीच्या माहितीनुसार, एक आलिशान कार मरीन ड्राइव्हकडून हाजी अलीच्या दिशेने जात असताना वेगामुळे चालकाचे नियंत्रण सुटले आणि अपघात झाला.
अपघातानंतर गाडीतील चौघांनाही नायर रुग्णालयात नेण्यात आले. त्यापैकी तिघांचा मृत्यू झाला असून, एकाची प्रकृती गंभीर आहे. पोलिसांनी दिलेल्या माहितीनुसार, हा अपघात लाला कॉलेजसमोरील लोटस जेट्टीजवळ पहाटे ५:२० च्या सुमारास झाला.
बृहन्मुंबई महानगरपालिकेने जारी केलेल्या निवेदनानुसार, नायर रुग्णालयाच्या मुख्य वैद्यकीय अधिकाऱ्यांनी सांगितले की, मृतांची ओळख शनाय गजल (२१) आणि धीरिया सेठ (१७) अशी पटली असून, एका अज्ञात २५ वर्षीय तरुणालाही मृत घोषित करण्यात आले आहे. दरम्यान, एका अज्ञात २० वर्षीय तरुणाची प्रकृती गंभीर असून त्याला ट्रॉमा वॉर्डमध्ये दाखल करण्यात आले आहे.
यापूर्वी ३ सप्टेंबर रोजी, मरीन ड्राइव्हपासून दक्षिणेकडे जाणाऱ्या कोस्टल रोड बोगद्यात आलिशान आणि अतिवेगवान गाड्या धोकादायकपणे शर्यत करत असल्याचा एक व्हायरल व्हिडिओ मुंबई पोलिसांनी दखल घेतला होता. या घटनेप्रकरणी अनेक लोकांविरुद्ध गुन्हा दाखल करण्यात आला आहे.
Edited By - Priya Dixit

