झोपेतच कुटुंबातील 5 जणांचा मृत्यू

उत्तर प्रदेशातील अमरोहा जिल्ह्यात एक दुर्दैवी घटना घडली आहे. जिथे घरात झोपलेल्या कुटुंबातील सातपैकी पाच जणांचा गुदमरून मृत्यू झाला.सोमवारी रात्री घरातील शेकोटी  पेटवून हे कुटुंब झोपले होते, असे सांगितले जात आहे. मंगळवारी सकाळी या कुटुंबातील पाच जण मृतावस्थेत, तर काही जण बेशुद्धावस्थेत पडल्याचे उघड झाले. या घटनेची माहिती तातडीने पोलिसांना दिल्यावर पोलीस घटनास्थळी पोहोचले आणि घटनास्थळी पोहोचल्यानंतर पोलिसांनी पाचही मृतदेह शवविच्छेदनासाठी पाठवले आणि बेशुद्धावस्थेत सापडलेल्या इतर सदस्यांना रुग्णालयात पाठवले.

हा अपघात सैद नागली पोलीस स्टेशन हद्दीतील अल्लीपूर भुड गावात घडला. मंगळवारी सकाळपासून सायंकाळपर्यंत घरात कोणतीही हालचाल न दिसल्याने आजूबाजूच्या लोकांनाकाहीतरी अनुचित प्रकार झाल्याचा संशय आल्याचे सांगण्यात येत आहे. 

शेजाऱ्यांनी दरवाजा तोडला असता घरात धुराचे लोट पसरले असून कुटुंबीय बेडवर पडलेले दिसले. लोकांनी तत्काळ पोलिसांना माहिती दिली माहिती मिळताच पोलीस दाखल झाले आणि सर्वांना रुग्णालयात नेले, तेथे पाच जणांना डॉक्टरांनी मृत घोषित केले तर दोघांना गंभीर अवस्थेत रुग्णालयात दाखल करून उपचार सुरू करण्यात आले.

तेरा वर्षांची मेहक, दहा वर्षांची माहिर, सोळा वर्षांची झैद, एकोणीस वर्षांची सोनम आणि कशिश आणि रईसुद्दीनची पत्नी हुस्न जहाँ यांना बेशुद्ध अवस्थेत खाजगी रुग्णालयात दाखल करण्यात आले. वाटेतच मेहकचा मृत्यू झाला, तर माहिर (वय 10 वर्ष), सोनम (वय 19 वर्ष), जैद (वय 16 वर्ष) आणि खासगी रुग्णालयात दाखल असलेल्या कशिश यांचाही मृत्यू झाला. पाचजणांच्या मृत्यूमुळे कुटुंबासह गावात शोककळा पसरली आहे. पोलीस अपघाताचा तपास करत आहे. 

Edited by - Priya Dixit