वर्षभरापूर्वी उदघाटन झालेल्या दिल्ली-मुंबई द्रुतगती मार्गावर पडला खोल खड्डा
दिल्ली-मुंबई द्रुतगती मार्गावर माती कोसळल्याने खोल खड्डा तयार झाला आहे. केंद्र सरकारच्या ड्रीम प्रोजेक्ट भारतमाला प्रकल्पांतर्गत बांधण्यात आलेल्या दिल्ली-मुंबई-वडोदरा द्रुतगती महामार्गाच्या बांधकामाच्या दर्जावर प्रश्नचिन्ह निर्माण होत आहे. रस्त्याच्या मधोमध 15 फूट खोल खड्डा पडल्याने बांधकाम कंपनीचा निष्काळजीपणा उघड झाला आहे. याची माहिती मिळताच NHAI अधिकाऱ्यांमध्ये घबराट पसरली. यामध्ये कोणतीही जीवितहानी झाली नाही. अशा स्थितीत बांधकाम कंपनीची टीम देखभाल दुरुस्तीमध्ये व्यस्त आहे.
फेब्रुवारी 2023 मध्ये पंतप्रधान मोदींनी दिल्ली-मुंबई द्रुतगती मार्गाच्या सोहना-दौसा विभागाचे उद्घाटन केले होते. पण पावसाळ्याच्या पहिल्या पावसापासून या द्रुतगती मार्गावर सातत्याने तक्रारी येत आहेत. पावसामुळे रस्त्यावर खड्डे पडले आहे. यापूर्वीही खड्ड्यांच्या तक्रारी आल्या होत्या, त्यामुळे रस्त्यावर अपघातही घडले आहे. दौसा परिसरात 100 हून अधिक अपघात झाले आहेत. आता आणखी एक मोठा खड्डा तयार झाला आहे. हा एवढा मोठा खड्डा असल्याने मोठी दुर्घटना घडू शकते असे सांगण्यात येत आहे.
Edited By- Dhanashri Naik
