पतीने पत्नीचा गळा चिरला नंतर कारने चिरडले

कर्नाटकच्या कलबुर्गी जिल्ह्यात एक हृदयद्रावक घटना उघडकीस आली आहे, जिथे पतीने आपल्या पत्नीची निर्घृणपणे हत्या केली आहे. पोलिसांनी आरोपी पतीला अटक केली आहे.

मिळालेल्या माहितीनुसार कर्नाटकच्या कलबुर्गी जिल्ह्यात एका पतीने आपल्या पत्नीची निर्घृणपणे हत्या केली. आरोपी पती आपल्या पत्नीसोबत कारमधून प्रवास करत होता. त्याने गाडी रस्त्याच्या मधोमध थांबवली आणि तिला बाहेर ढकलले. त्यानंतर तो तिचे केस ओढू लागला आणि तिला मारहाण करू लागला. जेव्हा पत्नी मदतीसाठी ओरडली, तेव्हा जवळच लोक जमा झाले. त्यांनी आरोपी पतीला थांबवले आणि दोघांनाही जबरदस्तीने गाडीत बसवले. त्यानंतर आरोपी पतीने गाडी रस्त्याच्या कडेला असलेल्या एका पार्कमध्ये नेली, जिथे त्याने गाडी खाली उतरवली आणि एका धारदार शस्त्राने तिचा गळा चिरून तिला ठार मारले. त्यानंतर तो पुन्हा गाडीत बसला आणि तिला चिरडून ठार केले. या घटनेचे व्हिडिओदेखील समोर आले आहे. ही घटना कर्नाटकच्या कलबुर्गी जिल्ह्यातील बल्लुर्गी गावाजवळ घडली. 

पोलिसांच्या म्हणण्यानुसार, प्राथमिक तपासात असे दिसून येते की आरोपीचा संशय हे या हत्येमागील कारण असू शकते. आरोपी पतीची चौकशी सुरू आहे. मृतदेह ताब्यात घेऊन शवविच्छेदनासाठी पाठवण्यात आला आहे. मृताच्या कुटुंबीयांच्या तक्रारीच्या आधारे गुन्हा दाखल करण्यात आला असून तपास सुरू करण्यात आला आहे.

Edited By- Dhanashri Naik