संबंधित माहिती
- Ludhiana Gas tragedy: मृतांच्या कुटुंबीयांना प्रत्येकी दोन लाख, बाधितांना 50-50 हजार, केंद्र सरकारची घोषणा
- Tamil Nadu : उकळत्या रसम मध्ये पडून तरुणाचा दुर्देवी मृत्यू
- चेन्नई विमानतळावर सीमाशुल्क विभागाच्या तपासणीत महिलेच्या बॅगेत 22 साप आढळले
- व्यक्तीला बोनेटवरून फरफटत नेले
- PM Modi Security: पंतप्रधानांच्या सुरक्षेत मोठी चूक, रोड शोदरम्यान फेकण्यात आला मोबाईल
डीपीएस मथुरा रोड येथे अल्पवयीन विद्यार्थ्याने बॉम्बचा खोटा ई-मेल पाठवला
दिल्ली पोलिसांच्या स्पेशल सेलने डीपीएस मथुरा रोड येथे सापडलेल्या बॉम्बच्या फसव्या कॉल प्रकरणाची उकल केली आहे. स्पेशल सेलने या प्रकरणात एका विद्यार्थ्याची ओळख पटवली, ज्याने 25 एप्रिलच्या रात्री शाळेच्या अधिकृत ईमेलवर एक मेल पाठवला होता, ज्यामध्ये शाळेत 26 एप्रिल सकाळी 9 वाजेच्या सुमारास स्फोट होईल असे लिहिले होते.
बुधवारी सकाळी 7.50 वाजता शाळेच्या वतीने दिल्ली पोलिसांना या मेलची माहिती देण्यात आली. त्यानंतर दिल्ली पोलिसांच्या टीम बॉम्ब स्क्वाडने संपूर्ण शाळेची तपासणी केली होती. त्यावेळी जवळपास 4000 मुले शाळेत पोहोचली होती, पोलिसांनी पुन्हा संपूर्ण परिसर रिकामा केला होता,नंतर प्रत्येक भागाची तपासणी केली होती. स्पेशल सेलने जेव्हा मेलचे ठसे शोधण्यास सुरुवात केली तेव्हा पोलिसांना कळले की हा मेल 16 वर्षांपेक्षा कमी वयाच्या.विद्यार्थ्याने पाठवला होता.
प्रत्यक्षात विद्यार्थ्याचे वय 16 वर्षांपेक्षा कमी होते. त्यामुळे पोलिसांनी त्याला पकडले नाही किंवा चौकशीसाठी बोलावले नाही.विद्यार्थ्याचे समुपदेशन केले असता त्याने सांगितले की, काही दिवसांपूर्वीच एका शाळेत बॉम्बचा फोन आला होता, तो पाहून त्याने फक्त गंमत म्हणून मेल पाठवला होता.
26 एप्रिल रोजीच मथुरा रोडवरील दिल्ली पब्लिक स्कूलला ई-मेलद्वारे बॉम्बची धमकी देण्यात आली होती, त्यानंतर दिल्ली पोलीस आणि अग्निशमन सेवा घटनास्थळी .पोहोचली आणि शाळा रिकामी करण्यात आली. मात्र, ही धमकीही अफवा ठरली.
Edited By - Priya Dixit
