केंद्रीय गृहमंत्री अमित शहा यांनी महाकुंभात पवित्र स्नान करत केली गंगेची पूजा

Union Home Minister Amit Shah news: केंद्रीय गृहमंत्री अमित शहा यांनी प्रयागराज महाकुंभात संतांसोबत पवित्र स्नान केले. मंत्र्यांच्या आगमनापूर्वी प्रशासनाने सर्व तयारी केली होती. यावेळी मुख्यमंत्री योगी आदित्यनाथ यांनी अमित शहा यांचे स्वागत केले. गृहमंत्री प्रथम सेल्फी पॉइंट अरैल घाट येथे पोहोचले. गृहमंत्री त्यांच्या संपूर्ण कुटुंबासह महाकुंभात पोहोचले.

मिळालेल्या माहितीनुसार पवित्र स्नान केल्यानंतर, शाह यांनी गंगा पूजेमध्ये भाग घेतला. यावेळी त्यांनी माशांनाही खायला दिले. प्रयागराज येथे पोहोचताच मुख्यमंत्री योगी आदित्यनाथ यांनी विमानतळावर त्यांचे स्वागत केले. त्यांच्यासोबत उत्तर प्रदेशचे उपमुख्यमंत्री केशव प्रसाद मौर्य आणि ब्रजेश पाठक हे देखील उपस्थित होते. दुपारी 12 वाजता शाह गंगा, यमुना आणि सरस्वती यांच्या संगमावर असलेल्या अरैल येथील व्हीआयपी घाटावर पोहोचले. शहा यांनी घाटावर संतांशी संवाद साधला. मुख्यमंत्री आदित्यनाथ यांच्यासमवेत अमित शहा यांनी जूना पीठाधीश्वर महामंडलेश्वर आचार्य अवधेशानंद गिरी जी महाराज आणि काही इतर प्रमुख संतांशी घाटावर संवाद साधला. शाह यांच्या भेटीदरम्यान, मेळा परिसर आणि प्रयागराजमध्ये विशेष सुरक्षा व्यवस्था करण्यात आली होती.  

तसेच गुजरात दौऱ्यात अमित शहा यांनी महाकुंभाचे महत्त्व स्पष्ट केले होते आणि सर्वांना त्यात सहभागी होण्याचे आवाहन केले होते. ते म्हणाले होते, "कुंभ आपल्याला शांती आणि बंधुत्वाचा संदेश देतो. कुंभ तुम्ही कोणत्या धर्माचे, जातीचे किंवा समुदायाचे आहात हे विचारत नाही, ते सर्वांना एकत्र जोडते." कुंभमेळ्यातून जो एकतेचा संदेश दिला जातो तो जगातील इतर कोणत्याही कार्यक्रमातून दिला जात नाही, असेही शहा म्हणाले. याशिवाय, त्यांनी गुजरातमधील तरुणांना महाकुंभाला जाऊन दिव्य अनुभव घेण्याचे आवाहन केले होते.

Edited By- Dhanashri Naik