अमूलने बटर, तूप, चीज, आईस्क्रीम आणि चॉकलेटच्या किमती कमी केल्या
अमूल ब्रँड अंतर्गत दुग्धजन्य पदार्थांचे मार्केटिंग करणाऱ्या गुजरात कोऑपरेटिव्ह मिल्क मार्केटिंग फेडरेशन (GCMMF) ने शनिवारी तूप, बटर, आईस्क्रीम, बेकरी आणि फ्रोझन स्नॅक्ससह ७०० हून अधिक उत्पादनांच्या किमती कमी करण्याची घोषणा केली.
गुजरात कोऑपरेटिव्ह मिल्क मार्केटिंग फेडरेशनने म्हटले आहे की, "हे बदल बटर, तूप, यूएचटी मिल्क, आईस्क्रीम, चीज, चॉकलेट, बेकरी रेंज, फ्रोझन डेअरी आणि बटाट्याचे स्नॅक्स, कंडेन्स्ड मिल्क, पीनट स्प्रेड, माल्ट-आधारित पेये आणि बरेच काही यासारख्या उत्पादन श्रेणींमध्ये केले गेले आहे." GST दर कपातीचे फायदे ग्राहकांना देण्यासाठी कंपनीने उत्पादनांच्या किमती कमी करण्याचा निर्णय घेतला. नवीन किमती २२ सप्टेंबरपासून लागू होतील. एका निवेदनात, GCMMF ने म्हटले आहे की, ७०० हून अधिक उत्पादन पॅकच्या किमती यादीत सुधारणा करण्यात आली आहे, ज्यामुळे ग्राहकांना GST कपातीचा पूर्ण फायदा मिळेल. हे बदल २२ सप्टेंबर २०२५ पासून लागू होतील.
कोणत्या वस्तूंवर किती बचत होईल?
गुजरात सहकारी दूध विपणन महासंघाने म्हटले आहे की, "हे बदल बटर, तूप, यूएचटी दूध, आईस्क्रीम, चीज, चॉकलेट, बेकरी रेंज, फ्रोझन डेअरी आणि बटाट्याचे स्नॅक्स, कंडेन्स्ड मिल्क, पीनट स्प्रेड, माल्ट-आधारित पेये इत्यादी उत्पादन श्रेणींमध्ये केले गेले आहेत." बटरची एमआरपी (१०० ग्रॅम) ६२ रुपयांवरून ५८ रुपये करण्यात आली आहे. तूपाच्या किमती ४० रुपयांनी कमी करून ६१० रुपये प्रति लिटर करण्यात आल्या आहेत. अमूल प्रोसेस्ड चीज ब्लॉकची (१ किलो) कमाल किरकोळ किंमत ३० रुपयांनी कमी करून ५४५ रुपये प्रति किलो करण्यात आली आहे. गोठवलेल्या पनीरची (२०० ग्रॅम) नवीन कमाल किरकोळ किंमत सध्याच्या ९९ रुपयांवरून ९५ रुपये होईल, जी २२ सप्टेंबरपासून लागू होईल.
Edited By- Dhanashri Naik
