मंगळवार, 27 फेब्रुवारी 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified: शुक्रवार, 12 मे 2023 (17:10 IST)

लग्नात नाचत असताना हृदयविकाराच्या झटक्याने मृत्यू

death
छत्तीसगडमधील भिलाई येथून एक वेदनादायक घटना समोर आली आहे. जिथे लग्न समारंभात डान्स करताना एका व्यक्तीला आपला जीव गमवावा लागला. मृतक आपल्या पुतणीच्या लग्नात डान्स करत होते असे सांगितले जात आहे. यादरम्यान त्यांना हृदयविकाराचा झटका आला आणि स्टेजवरच त्यांचा मृत्यू झाला. या घटनेचा लाईव्ह व्हिडिओ सोशल मीडियावर व्हायरल होत आहे. मयत दिलीप दल्ली हे राजहरा येथील विद्युत अभियांत्रिकी विभागात सहायक अभियंता होते.  
 
52 वर्षीय दिलीप स्टेजवर पंजाबी गाण्यांवर जबरदस्त डान्स करत असल्याचे व्हायरल व्हिडिओमध्ये स्पष्टपणे दिसत आहे. त्यांच्यासोबत वधू-वरही नाचत आहेत. दिलीप ज्या उत्साहात नाचत होते, त्याच उत्साहात एका झटक्यात एवढा मोठा अनुचित प्रकार घडेल हे कोणालाच कळले नाही. नातेवाईकांचे म्हणणे आहे की, दिलीप हे 4 मे रोजी पुतणीच्या लग्नासाठी गावी आले होते. आनंदाच्या वातावरणात ते स्टेजवर नाचत होते. अचानक त्यांना वेदनाजाणवू लागल्याने ते स्टेजवर बसले पण थोड्या वेळाने ते खाली पडले. आजूबाजूला उपस्थित असलेल्या सर्व नातेवाईकांनी त्यांना उचलून रुग्णालयात नेले, त्यानंतर डॉक्टरांनी त्यांना मृत घोषित केले.  

शवविच्छेदनानंतर मृतदेह नातेवाईकांच्या ताब्यात देण्यात आला आहे. दिलीपच्या कुटुंबात दोन मुली आणि पत्नी आहेत.  या घटनेनंतर कुटुंबियांवर वर शोककळा पसरली आहे. 
 
Edited by - Priya Dixit