केंद्र सरकार विरोधात पुन्हा आंदोलन करण्याची शेतकरी संघटनांची घोषणा

दिल्ली येथील कॉन्स्टिट्युशन क्लबमध्ये किसान मजदूर राष्ट्रीय परिषदेचे आयोजन करण्यात आले होते. या परिषदेत संयुक्त किसान मोर्चा (गैर-राजकीय) आणि किसान मजदूर मोर्चा सहभागी झाले होते.

या परिषदेत शेतकरी संघटनेने 1 ऑगस्ट रोजी केंद्र सरकारच्या पुतळ्याचे दहन करून देशभरात आंदोलन करण्याचा निर्णय घेतला.सर्व पिकांवर एमएसपी हमी कायद्यासह इतर अनेक मागण्यांबाबत देशातील शेतकऱ्यांनी केंद्र सरकारविरोधात पुन्हा एकदा मोर्चा उघडला आहे. आज दिल्लीत शेतकरी संघटनांनी मोठी घोषणा केली आहे.

दिल्ली येथील कॉन्स्टिट्युशन क्लबमध्ये किसान मजदूर राष्ट्रीय परिषदेचे आयोजन करण्यात आले होते.

शेतकरी संघटनांनी 1 ऑगस्ट रोजी केंद्र सरकारच्या पुतळ्याचे दहन करून देशभरात आंदोलन करण्याचा निर्णय घेतला असून  फौजदारी कायद्याच्या प्रतीही जाळण्यात येणार आहेत. तसेच देशातील प्रत्येक जिल्ह्याच्या मुख्यालयावर सर्व शेतकरी आंदोलन करणार आहेत. येत्या 15 ऑगस्टला भारतभर ट्रॅक्टर मार्च काढण्यात येणार असल्याचेही सांगण्यात आले.

31 ऑगस्टला आमच्या आंदोलनाला 200 दिवस पूर्ण होणार असून त्यानिमित्त सर्व सीमावर्ती शेतकरी एकत्र येणार असल्याचे शेतकऱ्यांनी सांगितले.सरकारने शेतकऱ्यांवर अनेक अत्याचार केल्याचा आरोप त्यांनी लावला आहे. 

Edited by - Priya Dixit