शुक्रवार, 25 नोव्हेंबर 2022
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified शुक्रवार, 25 नोव्हेंबर 2022 (11:32 IST)

चांदणी चौकातील भगीरथ पॅलेस मार्केटमध्ये काल रात्रीपासून लागलेल्या आगीत कोटींचे माल जळून खाक

दिल्लीतील चांदनी चौकाजवळील इलेक्ट्रॉनिक्स मार्केटमध्ये काल रात्री भीषण आग लागली. दिल्लीतील भगीरथ पॅलेस मार्केटमध्ये आग लागली. चांदणी चौकातील भगीरथ पॅलेस हे सर्वात मोठे इलेक्ट्रॉनिक्स मार्केट आहे. आगीची माहिती मिळताच अग्निशमन दलाच्या 40 हून अधिक गाड्या घटनास्थळी दाखल झाल्या, मात्र इलेक्ट्रॉनिक्स वस्तू असल्याने आग वेगाने पसरली. आग इतकी भीषण होती की 40 हून अधिक फायर इंजिन असूनही ती विझवणे कठीण आहे. चांदणी चौकातील भगीरथ पॅलेस मार्केटला लागलेली आग काल रात्रीपासून आज सकाळपर्यंत धगधगत आहे.

 आगीत चांदणी चौकाजवळील भगीरथ पॅलेस मार्केटमधील 30 ते 40 दुकाने जळून खाक झाल्याची माहिती आहे. याशिवाय दोन इमारतींचेही मोठे नुकसान झाले आहे. अरुंद गल्ल्यांमुळे अग्निशमन दलाला आत जाण्यास त्रास होत आहे. रात्रभर प्रयत्न करूनही आग पूर्णपणे आटोक्यात आलेली नाही. यामध्ये आतापर्यंत कोट्यवधी रुपयांचे नुकसान झाले आहे. आगीची माहिती मिळताच चांदणी चौकातील भाजप खासदार डॉ.हर्षवर्धन हेही घटनास्थळी पोहोचले. त्यांनी घटनेची पाहणी करून आगीवर लवकरात लवकर नियंत्रण मिळवण्याच्या सूचना अग्निशमन दलाला दिल्या. 
 
दिल्लीच्या केजरीवाल सरकारने चांदनी चौक परिसराचा मुख्य रस्ता सुशोभित करून दिला, पण रस्त्याच्या कडेला असलेल्या दुकानांमध्ये आणि रस्त्यावर काहीच केले नाही, असा आरोप लोक करतात. आतमध्ये तारांचे जाळे पसरले आहे, अरुंद गल्ल्याच आहेत, जिथे वाहन जाऊ शकत नाही. आग लागल्यास पाण्याची व्यवस्था नाही आणि काल भगीरथ पॅलेसमध्ये आग लागल्याने स्थानिक दुकानदार संतप्त झाले आणि त्यांनी केजरीवाल सरकारच्या विरोधात घोषणाबाजी सुरू केली.
 
Edited By- Priya Dixit