अमेरिकेत भारतीय विद्यार्थ्याची गोळ्या घालून हत्या, संतप्त केजरीवाल यांनी केंद्र सरकारवर टीका केली

Arvind Kejriwal news : अमेरिकेत भारतीय विद्यार्थ्याच्या हत्येवरून केजरीवाल यांनी भाजपच्या नेतृत्वाखालील केंद्र सरकारवर निशाणा साधला आहे. ते म्हणाले की, खराब शिक्षण व्यवस्था आणि संधींचा अभाव यामुळे तरुण परदेशात जात आहे.

मिळालेल्या माहितीनुसार अमेरिकेत भारतीय विद्यार्थ्याच्या हत्येवरून केजरीवाल यांनी भाजपच्या नेतृत्वाखालील केंद्र सरकारवर निशाणा साधला आहे. देशातील कमकुवत शिक्षण व्यवस्था आणि "संधींचा अभाव" यामुळे तरुणांना परदेशात जाण्यास भाग पाडले जात आहे, असा दावा आम आदमी पक्षाचे प्रमुख अरविंद केजरीवाल यांनी सोमवारी केला. तेलंगणातील एका 26वर्षीय विद्यार्थ्याची अमेरिकेत अज्ञात व्यक्तींनी गोळ्या घालून हत्या केल्याचा आरोप आहे. के रवी तेजा हा विद्यार्थी 2022मध्ये अमेरिकेला गेला होता आणि आठ महिन्यांपूर्वी 'एमएस' कोर्स पूर्ण केल्यानंतर तो नोकरीच्या शोधात होता. ही "मोठी चिंतेची बाब" असल्याचे सांगून केजरीवाल यांनी केंद्राने या घटनेकडे त्वरित लक्ष देण्याची मागणी केली. त्यांनी 'एक्स' वर पोस्ट केले की "ही बातमी खूप दुःखद आहे. गेल्या काही महिन्यांत, अशा अनेक घटना समोर आल्या आहे जिथे आपल्या देशातील तरुणांची परदेशात हत्या झाली आहे. ही खूप चिंतेची बाब आहे. कमकुवत शिक्षण व्यवस्था आणि संधींचा अभाव यामुळे तरुणांना परदेशात जाण्यास भाग पाडले जात आहे. तसेच केजरीवाल म्हणाले की, जर आपण भारतातील आपल्या तरुणांना दर्जेदार शिक्षण आणि चांगल्या संधी दिल्या तर त्यांना परदेशात जाण्याची गरज पडणार नाही. केंद्र सरकारने या मुद्द्याकडे त्वरित लक्ष द्यावे अशी मी विनंती करतो.

Edited By- Dhanashri Naik