शुक्रवार, 3 फेब्रुवारी 2023
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified सोमवार, 18 जानेवारी 2021 (15:17 IST)

मुरादाबाद अपडेट - कोरोना लसीमुळे नाही तर हृदयविकाराचा झटक्यामुळे वॉर्ड बॉयचा मृत्यू, पीएम रिपोर्टमध्ये खुलासा

जिल्हा रूग्णालयाच्या एका वॉर्ड बॉयला शनिवारी कोरोनाची लस देण्यात आली. ही लस लागल्यानंतर 30 तासांनी त्याचा मृत्यू झाला. कुटुंबाने आरोग्य कर्मचार्‍याच्या मृत्यूचे कारण कोरोना लसीस दिले. त्यानंतर मुरादाबाद प्रशासन, आरोग्य विभाग यांच्यासह सरकारी विभागांमध्ये घबराहट पसरली. जिल्हा दंडाधिकार्‍यांच्या आदेशानुसार आरोग्य कर्मचारी महीपाल यांचे शवविच्छेदन करण्यात आले. ज्यामध्ये हृदयविकाराचा झटका मृत्यूमुळे झाला आहे.
 
महत्त्वाचे म्हणजे की 46 वर्षीय महिपालसिंग यांना शनिवारी दुपारी 1 वाजता जिल्हा रुग्णालयाच्या बर्न वार्ड सेंटरमध्ये कोरोनाची लस देण्यात आली होती. त्याच दिवशी त्यांनी जिल्हा रुग्णालयात रात्रीची ड्युटी केली, त्यादरम्यान त्यांना कोणतीही अडचण नव्हती. रविवारी घरी पोहोचताना अचानक ताप आला आणि प्रकृती आणखी गंभीर झाली. कुटुंबीयांनी महिपालला तातडीने उपचारासाठी रुग्णालयात आणले, तेथे डॉक्टरांनी त्याला मृत घोषित केले. महिपालच्या कुटुंबाचा आरोप आहे की लसीकरणानंतरच  त्यांची प्रकृती खराब झाली आणि त्यामुळे त्यांचा मृत्यू झाला. 
 
मुरादाबादचे मुख्य वैद्यकीय अधिकारी आधीच म्हणाले होते की मृत्यू कोरोना लसीमुळे झाला नाही. मृत्यूच्या आधी महिपालला श्वासोच्छ्वास आणि छातीत दाटून येत होत. ज्यामध्ये त्याची तब्येत खालावली. महिपालच्या मृत्यूला गांभीर्याने घेत प्रशासनाने त्यांच्या मृतदेहाचे शवविच्छेदन केले. पीएम रिपोर्टमध्ये हृदयविकाराचा झटका आला आहे. पीएम रिपोर्ट समोर आल्यानंतर आरोग्य विभाग आणि प्रशासनाने सुटकेचा श्वास घेतला आहे.