पंतप्रधान मोदी रशिया दौऱ्याला जाणार नाहीत

Publish: Wed, 30 Apr 2025 (15:43 IST) Updated: Wed, 30 Apr 2025 (15:47 IST)

जम्मू-काश्मीरमधील पहलगाम येथे झालेल्या दहशतवादी हल्ल्यावरून भारत आणि पाकिस्तानमधील तणाव वाढत आहे. दरम्यान, पंतप्रधान नरेंद्र मोदी यांनी त्यांचा रशिया दौरा पुढे ढकलल्याची बातमी येत आहे. पंतप्रधान 9 मे रोजी मॉस्को येथे होणाऱ्या विजय दिन परेडला उपस्थित राहणार नाहीत. पंतप्रधान मोदींना रशियाने विजय दिन परेडसाठी आमंत्रित केले  होते.

पुढील महिन्यात मॉस्को येथे होणाऱ्या विजय दिनाच्या 80 व्या वर्धापन दिनाच्या समारंभाला पंतप्रधान मोदी उपस्थित राहणार नाहीत, तर संरक्षण मंत्री राजनाथ सिंह हे त्यांचे प्रतिनिधित्व करू शकतात , असे क्रेमलिनचे प्रवक्ते दिमित्री पेस्कोव्ह यांनी बुधवारी सांगितले. स्थानिक माध्यमांच्या वृत्तानुसार, 9 मे रोजी होणाऱ्या कार्यक्रमात भारताचे संरक्षण मंत्री राजनाथ सिंह पंतप्रधान मोदींच्या जागी जाऊ शकतात.

राष्ट्रपती व्लादिमीर पुतिन यांनी मोदी तसेच चीनचे अध्यक्ष शी जिनपिंग यांना विजय दिन समारंभाला उपस्थित राहण्यासाठी आणि रेड स्क्वेअरवरील विजय परेड पाहण्यासाठी आमंत्रित केले होते. शी यांनी या कार्यक्रमाला उपस्थित राहण्याची पुष्टी केली आहे.मॉस्कोमध्ये सुमारे 20 परदेशी नेत्यांचे स्वागत करण्याची तयारी सुरू आहे. 

रशिया 9 मे रोजी दुसऱ्या महायुद्धात नाझी जर्मनीवरील विजय साजरा करतो आणि यावर्षी त्यांनी निवडक मित्र राष्ट्रांच्या नेत्यांना80 व्या वर्धापन दिनाच्या समारंभात सहभागी होण्यासाठी आमंत्रित केले आहे.

Edited By - Priya Dixit