संबंधित माहिती
- बेळगावमध्ये सातवीच्या विद्यार्थिनीवर लैंगिक अत्याचार, दोघांना अटक
- कुत्रा चावल्याने मृत्यू झाल्यास ५ लाख रुपयांची भरपाई देण्याचा कर्नाटक सरकारने मोठा निर्णय घेतला
- कर्नाटकात 31 काळविंटाच्या मृत्यूने खळबळ उडाली
- Blackbuck deaths in Karnataka ३१ काळवीटांच्या मृत्यूने कर्नाटकात घबराट पसरली
- कर्नाटकात भीषण अपघात; मोटारसायकल स्कूल बसला धडकली, एकाच कुटुंबातील चार जणांचा मृत्यू
मोफत पाणीपुरी देण्यास नकार दिल्याने दुकानदाराची हत्या
बेंगळुरूमध्ये एका दुकानदाराने मोफत पाणीपुरी देण्यास नकार दिल्याने त्याची चाकूने वार करून हत्या करण्यात आली. दारू पिलेल्या व्यक्तीने दुकानदाराकडे मोफत पाणीपुरी मागितली होती.
कर्नाटकची राजधानी बेंगळुरूमध्ये रस्त्याच्या कडेला असलेल्या एका विक्रेत्यावर चाकूने वार करण्यात आल्याची एक खळबळजनक घटना समोर आली आहे. विक्रेत्याने दारू पिलेल्या व्यक्तीला मोफत पाणीपुरी देण्यास नकार दिल्याने ही हत्या करण्यात आली. मंगळवारी रात्री बत्रायनपुरा मुख्य रस्त्यावर असलेल्या एका पाणीपुरीच्या दुकानात ही घटना घडली.
पोलिसांच्या म्हणण्यानुसार, दुकानदार नेहमीप्रमाणे रस्त्यावर आपला स्टॉल लावत असताना एक दारू पिलेला माणूस आला आणि त्याने मोफत पाणीपुरी मागितली. दुकानदाराने स्पष्टपणे नकार देत म्हटले की तो पैसे दिल्याशिवाय पाणीपुरी देऊ शकत नाही. दुकानदाराने नकार दिल्यावर आरोपी संतापला आणि जोरदार वाद झाला. त्यानंतर आरोपीने अचानक चाकू काढून दुकानदाराच्या पोटात वार केला. दुकानदार रक्ताच्या थारोळ्यात कोसळला आणि आरोपी घटनास्थळावरून पळून गेला.
घटनेनंतर, घाबरलेल्या लोकांनी घटनास्थळी धाव घेतली आणि दुकानदाराला जवळच्या सरकारी रुग्णालयात नेले. डॉक्टरांनी त्याला मृत घोषित केले. या क्रूर हत्येमुळे रस्त्याच्या कडेला असलेले इतर विक्रेते आणि स्थानिक रहिवासी घाबरले आहे. घटनेची माहिती मिळताच, पोलिसांनी घटनास्थळी येऊन तपास सुरू केला. त्यांनी घटनास्थळाजवळ बसवलेल्या सीसीटीव्ही फुटेजची तपासणी केली आणि प्रत्यक्षदर्शींचे जबाब नोंदवले. पुराव्याच्या आधारे, बेंगळुरू उत्तर विभाग पोलिसांनी काही तासांतच आरोपीला अटक केली.
Edited By- Dhanashri Naik
