Ahmedabad plane crash टाटा ग्रुप मृतांच्या कुटुंबियांना प्रत्येकी १ कोटी रुपयांची भरपाई देणार
टाटा ग्रुपने अहमदाबाद विमान अपघातात मृतांच्या कुटुंबियांना प्रत्येकी १ कोटी रुपयांची मदत देण्याची घोषणा केली आहे. याशिवाय, जखमींच्या उपचाराचा संपूर्ण खर्च आणि बीजे मेडिकल कॉलेजच्या वसतिगृहाच्या बांधकामात मदत करण्याची घोषणा देखील करण्यात आली आहे.
मिळालेल्या माहितीनुसार टाटा सन्सचे अध्यक्ष एन चंद्रशेखरन यांनी एक निवेदन जारी केले आहे. या निवेदनात लिहिले आहे की, "एअर इंडिया फ्लाइट १७१ शी संबंधित दुःखद घटनेने आम्हाला खूप दुःख झाले आहे. यावेळी आम्हाला जे दुःख होत आहे ते शब्दात व्यक्त करता येणार नाही. ज्या कुटुंबांनी आपले प्रियजन गमावले आहे आणि जे जखमी झाले आहे त्यांच्यासोबत आमच्या संवेदना आणि प्रार्थना आहे."
याशिवाय, टाटा सन्सने भरपाईची घोषणा देखील केली आहे. नुकसानभरपाईची घोषणा करताना, पोस्टमध्ये असे लिहिले आहे की, "या दुर्घटनेत जीव गमावलेल्या प्रत्येक व्यक्तीच्या कुटुंबियांना टाटा ग्रुप ₹१ कोटीची भरपाई देईल. आम्ही जखमींचा वैद्यकीय खर्च देखील उचलू आणि त्यांना आवश्यक असलेली सर्व काळजी आणि मदत मिळेल याची खात्री करू. याव्यतिरिक्त, आम्ही बीजे मेडिकलमध्ये वसतिगृह बांधण्यात मदत करू. या अकल्पनीय काळात आम्ही बाधित कुटुंबे आणि समुदायांसोबत उभे आहोत."
Edited By- Dhanashri Naik
