पोलिसाने चिरडले नवजात बाळाला
झारखंडच्या गिरिडीह जिल्ह्यात बुधवारी एका नवजात अर्भकाचा म्हणजेच चार दिवसांच्या नवजात बालकाचा धाड टाकण्यासाठी गेलेल्या पोलिसांच्या पायाखालचा चिरडून मृत्यू झाल्याची घटना समोर आली आहे. ही घटना गिरडीह जिल्ह्यातील कोसोगोंडोदिघी गावात घडली जेव्हा पोलिस एका आरोपीच्या शोधात एका घरी गेले होते. यादरम्यान एका खोलीत झोपलेल्या नवजात बाळावर पोलीस कर्मचाऱ्याने पाऊल टाकले. स्थानिकांच्या म्हणण्यानुसार, देवरी पोलिस स्टेशनचे प्रभारी संगम पाठक यांच्या नेतृत्वाखालील एक पथक आरोपी भूषण पांडे यांच्याविरुद्ध अजामीनपात्र वॉरंट जारी झाल्यानंतर त्याच्या घरी गेले. पोलिसांना पाहताच भूषणच्या कुटुंबातील सर्व सदस्य नवजात मुलाला घरात एकटे सोडून पळून गेले.
पोलिसांनी चिरडले
मृताची आई नेहा देवी यांनी सांगितले की, पोलीस जेव्हा घराच्या कानाकोपऱ्यात झडती घेत होते तेव्हा तिचे चार दिवसांचे मूल आत झोपले होते. पोलिसांचे पथक गेल्यानंतर ती घरी पोहोचली तेव्हा तिला तिचे मूल मृत दिसले. मृत नवजात मुलाची आई आणि भूषण पांडेसह घरातील इतर सदस्यांनी आरोप केला आहे की पोलिसांनी मुलाला चिरडून ठार केले आहे. या घटनेची दखल घेत पोलीस उपअधीक्षक संजय राणा म्हणाले की, प्रकरणाचा तपास सुरू असून मृतदेह शवविच्छेदनासाठी पाठवण्यात आला आहे. पोस्टमॉर्टम रिपोर्टच्या आधारे कारवाई केली जाईल.
या संपूर्ण प्रकरणाची दखल घेत झारखंडचे मुख्यमंत्री हेमंत सोरेन यांनी शोक व्यक्त केला. सोबतच या प्रकरणाची चौकशी करण्याचे आदेशही देण्यात आले आहेत. या घटनेवर प्रतिक्रिया व्यक्त करताना राज्याचे आरोग्य मंत्री बन्ना गुप्ता म्हणाले की, अशा घटनांवर टीका केली जाईल आणि कठोर कारवाई केली जाईल. हा देश संविधानानुसार चालतो, त्यामुळे पोलिस अधिकाऱ्यांवरही कारवाई होणार आहे.
