संबंधित माहिती
- अडीच वर्षाच्या चिमुरडीला छतावरून फेकून मारले, हृदय पिळवटून टाकणारा व्हिडिओ व्हायरल
- सप्तपदी घेण्याअगोदरच भावी पती पत्नीने संपविले स्वतःचे जीवन
- 145 माकडांचा रहस्यमयी मृत्यू, गोदामात आढळले मृतदेह
- यमुना एक्स्प्रेसवेवर झालेल्या भीषण अपघातात लहान मुलासह 5 जणांचा मृत्यू
- निवडणूक आयोगाची मोठी कारवाई, पोटनिवडणुकी दरम्यान पाच पोलिस निलंबित
पोलीस निरीक्षकाच्या घरात चोरी, सरकारी पिस्तूल व मौल्यवान वस्तू घेऊन चोर फरार
Uttar Pradesh News : लखनऊच्या शांती नगर भागात होमगार्ड इन्स्पेक्टरच्या घरी झालेल्या एका धक्कादायक चोरीने सर्वांनाच धक्का दिला आहे. चोरट्यांनी घरातील मौल्यवान वस्तूच चोरल्या नाहीत तर पोलिसांचे अधिकृत पिस्तूलही चोरून नेले.
मिळालेल्या माहितीनुसार 27 नोव्हेंबर रोजी सकाळी 9 वाजता होमगार्डमध्ये तैनात असलेले इन्स्पेक्टर घराला कुलूप लावून ड्युटीसाठी गेले असताना ही घटना घडली. तसेच संध्याकाळी ते घरी परतले असता घराचे कुलूप तुटलेले दिसले. यानंतर त्यांनी आत जाऊन पाहिले असता घरातील कपाटही उघडे होते व त्यातील मौल्यवान वस्तू गायब होत्या. चोरीदरम्यान त्याच्या घरातून एक सरकारी पिस्तूल, लाखोंचे दागिने आणि एक मोबाईल चोरीला गेल्याचे निरीक्षक यांनी सांगितले. यावेळी त्यांचे कुटुंबीय लग्न समारंभासाठी बाहेरगावी गेले होते त्यामुळे घरी कोणीच नव्हते. या घटनेनंतर स्थानिक पोलिसांनी एफआयआर नोंदवून चोरट्यांचा शोध सुरू केला.
Edited By- Dhanashri Naik
