ही राज्ये आहेत दारुड्यांसाठी स्वर्ग, गोव्यातच नाही तर इथेही स्वस्त आहे

गोव्याचे नाव ऐकताच अनेकांना दारूची आठवण होते. कारण, येथे जाणारे पर्यटक समुद्रकिना-यासोबतच दारूचाही आनंद घेतात. याचे प्रमुख कारण म्हणजे दारूची स्वस्ताई. टाईम्स ऑफ इंडियाच्या वृत्तानुसार, इंटरनॅशनल स्पिरिट्स अँड वाईन्स असोसिएशन ऑफ इंडियाच्या विश्लेषणानुसार, गोव्यात सर्वात स्वस्त दरात मद्य उपलब्ध आहे. येथे दारूवर 49 टक्के कर वसूल केला जातो.

त्याचवेळी, विश्लेषणानुसार, कर्नाटकातील दारूची किंमत भारतात सर्वाधिक आहे. कर्नाटकात दारूवर 83 टक्के कर वसूल केला जातो. कर्नाटकानंतर महाराष्ट्राचा क्रमांक येतो जिथे सरकार दारूवर 71 टक्के कर लावते. यानंतर तेलंगणा आहे जिथे दारूवर 68 टक्के कर आकारला जातो. त्यानंतर राजस्थान आहे जिथे सरकार दारूवर 69 टक्के कर लावते.

यानंतर यूपी आहे जिथे दारूवर 66 टक्के कर लागतो. उत्तर प्रदेशनंतर या यादीत पुढचे नाव दिल्लीचे आहे जिथे दारूवर 62  टक्के कर वसूल केला जातो. तथापि, हे लक्षात घेण्यासारखे आहे की गोव्याच्या तुलनेत हरियाणामध्ये कमी कर (47 टक्के) आकारला जातो. मात्र, येथे दारूची एमआरपी अजूनही जास्त आहे. तर गोव्यात हरियाणापेक्षा जास्त कर असूनही एमआरपी कमी आहे.

विश्लेषणात किंमतही काढण्यात आली असून, त्यानुसार गोव्यात दारूची बाटली 100 रुपयांना मिळते. कर्नाटकात 513 रुपयांना, तेलंगणामध्ये 246 रुपयांना आणि दिल्लीत 134 रुपयांना मिळेल. तर हरियाणामध्ये या बोल्टची किंमत 147 रुपये असेल. म्हणजे गोव्यानंतर सर्वात स्वस्त दारू दिल्लीत मिळते.

इतर कोणत्याही वस्तू आणि सेवांप्रमाणेच, अल्कोहोल आणि पेट्रोलियम सध्या जीएसटीच्या बाहेर ठेवले आहेत. त्यामुळे देशभरात त्यावर वेगवेगळे कर आकारले जातात. वेगवेगळ्या राज्यात दारूच्या किमती बदलत असल्याने दारूची तस्करी होते.