संबंधित माहिती
- तीन मजली घर कोसळले, आठ हून अधिक जण ढिगाऱ्याखाली दबल्याची भीती,बचावकार्य सुरू
- संभाजी नगर मध्ये दारू पिऊन गाडी चालवत भीषण अपघातात एकाच कुटुंबातील चौघांचा मृत्यू
- रेल्वे रूळ पार करतांना कारचा अपघात, एकाचा मृत्यू तर लहान मुलगा जखमी
- आग्रा-लखनौ मार्गावर भीषण अपघात, केसर पान मसाला मालकाच्या पत्नीचा मृत्यू
- महिलांना तात्काळ मदत मिळण्यासाठी महाराष्ट्र पोलिसांची पोलीस हेल्पलाईन सुरु
मेरठमध्ये तीन मजली घर कोसळले 7 ठार, अनेक ढिगाऱ्याखाली दबले
मेरठच्या लोहिया नगर परिसरात मोठा अपघात झाला. सुमारे 50 वर्षे जुने तीन मजली घर कोसळले. एकाच कुटुंबातील 14 लोक आणि डझनभर गुरे ढिगाऱ्याखाली गाडली गेली. अपघातानंतर एडीजीपासून जिल्ह्यातील सर्व उच्चपदस्थ अधिकारी घटनास्थळी पोहोचले. रात्रीपर्यंत महिला आणि मुलांसह आठ जणांना बाहेर काढण्यात आले,सात जणांचा मृत्यू झाला तर अनेकांची प्रकृती चिंताजनक आहे. रात्री उशिरापर्यंत बचावकार्य सुरू होते.
झाकीर कॉलनी गल्ली क्रमांक सातमधील 300 यार्डात 90 वर्षीय महिलेचे तीन मजली घर आहे. हे घर सुमारे 50 वर्षे जुने असल्याचे सांगितले जाते. महिलेच्या मुलांनी घराच्या तळघरात डेरी व्यवसाय सुरु केला असून म्हशी बांधल्या होत्या. पूर्ण घरात एकूण 15 जण राहत होते.
शनिवारी सायंकाळी साडेचारच्या सुमारास हे घर अचानक कोसळल्याचे परिसरातील नागरिकांनी सांगितले. जोरदार स्फोट झाल्याने परिसरात एकच खळबळ उडाली. घटनेनंतर घटनास्थळी एकच जमाव जमला आणि सर्वत्र आरडाओरडा झाला. माहिती मिळताच पोलीस अधिकारी घटनास्थळी पोहोचले.
पोलिसांनी परिसरातील नागरिकांच्या मदतीने ढिगारा हटविण्याचे काम सुरू केले. अरुंद रस्त्यांमुळे जेसीबी आणि रुग्णवाहिकाही घटनास्थळी पोहोचू शकल्या नाहीत. बऱ्याच प्रयत्नांनंतर ढिगाऱ्याखाली दबलेल्या लोकांना बाहेर काढण्यात आले.30 हून अधिक दुभत्या जनावरे ढिगाऱ्याखाली गाडल्याचे सांगण्यात आले. एनडीआरएफची टीम बचावकार्यात गुंतली होती.सीएम योगींनी बचाव कार्याला गती देण्याच्या सूचना दिल्या आहेत.
Edited By - Priya Dixit
