हत्तीने चिरडल्याने घरात झोपल्या दोन बहिणींचा मृत्यू

Odisha News: ओडिशातील सुंदरगढ परिसरातून धक्कदायक बातमी समोर आली आहे. रविवारी रानटी हत्तीने घरात झोपलेल्या दोन बहिणींवर हल्ला करून दोघींना चिरडून ठार केले. या बहिणींपैकी एक 12 वर्षांची होती तर दुसरी बहीण फक्त 3 वर्षांची होती. चिंताजनक बाब म्हणजे दोन मुलींचा जीव घेणारा हत्ती अजूनही मोकळा फिरत आहे. 

मिळालेल्या माहितीनुसार ओडिशातील सुंदरगढ जिल्ह्यात जंगली हत्तीने दोन बहिणींना चिरडून ठार केल्याची बातमी समोर आली आहे. अधिकारींनी दिलेल्या माहितीनुसार, ही घटना बोनई वनविभागातील तमडा रेंजमधील कांतापल्ली गावात घडली. तसेच हत्ती परिसरात फिरत असल्याने त्यावर बारीक नजर ठेवली जात आहे. मुली त्यांच्या मातीच्या घरात झोपल्या होत्या तेव्हा हत्तीने हल्ला करून घराचा एक भाग पाडला. घरातील लोकांनी हत्ती पाहिल्यानंतर ते जीव वाचवण्यासाठी बाहेर धावले तर झोपलेल्या मुली तिथेच राहिल्या. यानंतर जंगली हत्तीने दोन्ही मुलींना चिरडून ठार केले. तसेच अधिकारी म्हणाले की, हा एकटा हत्ती आहे, जो त्याच्या कळपापासून वेगळा झाला असावा. हत्तीला रेडिओ कॉलर बसवण्यात आली आहे, पण तरीही त्याचा शोध लागलेला नाही. रेडिओ कॉलरमध्ये स्थापित केलेल्या GSM सिम कार्डच्या सेवा पुरवठादाराचे या भागात नेटवर्क नाही. अधिकाऱ्यांच्या म्हणण्यानुसार, सरकार मृतांच्या कुटुंबीयांना भरपाई देणार आहे.  

Edited By- Dhanashri Naik