गणेशोत्सवात उकळत्या सांबाराच्या पातेल्यात पडून ४६ वर्षीय महिलेचा मृत्यू; घटनेचा LIVE व्हिडिओ आला समोर
आंध्र प्रदेशातील विजयवाडा येथे रविवारी सकाळी गणेश चतुर्थीच्या दिवशी एक मोठा अपघात घडला. अन्नवाटप कार्यक्रमादरम्यान उकळत्या सांबारमध्ये पडून एका महिलेचा मृत्यू झाला.
पोलिस आणि स्थानिक रहिवाशांच्या म्हणण्यानुसार, सुजाता नावाची मृत महिला गणेश चतुर्थीच्या उत्सवादरम्यान आयोजित अन्न वितरण कार्यक्रमासाठी स्वयंपाकात मदत करत होती.
వేడి సాంబార్లో పడి మహిళ మృతి
— Telugu Scribe (@TeluguScribe) September 22, 2026
విజయవాడలో వినాయకుడి అన్నదానం కార్యక్రమంలో సహాయం చేస్తూ, ప్రమాదవశాత్తు వేడి సాంబార్లో పడి మరణించిన సుజాత (46) అనే మహిళ pic.twitter.com/KSo4adpgVe
उकळत्या सांबारमध्ये पडून महिलेचा मृत्यू
पोलिसांच्या म्हणण्यानुसार, सुजाता सांबार घेऊन जात असताना हा अपघात झाला. ती चुकून उकळत्या सांबारने भरलेल्या मोठ्या भांड्यात पडली आणि गंभीररित्या भाजली.
या घटनेचा एक व्हिडिओ सोशल मीडियावरही समोर आला आहे. त्यामध्ये, उकळत्या सांबारमध्ये पडल्यानंतर ती महिला वेदनेने किंचाळत असल्याचे ऐकू येत आहे.
मिळालेल्या माहितीनुसार, सुजाताची प्रकृती चिंताजनक होती आणि ती गंभीररित्या भाजली होती, पण नंतर तिची प्रकृती अधिकच खालावली. सोमवारी सकाळी रुग्णालयात उपचारादरम्यान सुजाताचा मृत्यू झाला. तिच्या मृत्यूने कुटुंबीय आणि स्थानिक रहिवाशांना धक्का बसला आहे.
पोलिसांनी या घटनेची चौकशी सुरू केली आहे. सुजाता सांबारमध्ये खाली पडण्यामागील परिस्थितीचा तपास सुरू आहे. सध्या उपलब्ध असलेल्या माहितीनुसार, या घटनेला अपघाती मृत्यू मानले जात आहे, मात्र पोलिसांचा तपास सुरू आहे.
Edited By - Priya Dixit
