गुरूवार, 28 मार्च 2024
  1. मराठी बातम्या
  2. ऑटोमोबाइल
  3. मोबाईल
Written By
Last Modified: मंगळवार, 9 मार्च 2021 (11:21 IST)

Redmiच्या 120 हर्ट्झच्या डिस्प्ले असणार्‍या या फोनची धूम! अवघ्या 5 मिनिटांत 3 लाखाहून अधिक स्मार्टफोनची विक्री झाली

शाओमी (Xiaomi) ची रेडमी K40 मालिका (Redmi K40) या महिन्यात चीनमध्ये लाँच करण्यात आली असून नुकतीच विक्रीसाठी उपलब्ध करून देण्यात आली आहे. सेलमध्ये या फोनला चांगला प्रतिसाद मिळाला असून कंपनीने दिलेल्या माहितीनुसार सेलमध्ये रेडमी K40 चे 30 लाख फोन विकल्या गेल्याची पुष्टी झाली आहे. खास गोष्ट म्हणजे रेडमी के 40 ने अवघ्या काही मिनिटांत 3 लाख युनिट्सची विक्री पूर्ण केली आहे. Redmi K40 च्या मालिकेत तीन स्मार्टफोन लाँच करण्यात आले, ज्यात Redmi K40, Redmi K40 Pro आणि Redmi K40 Pro+ सामील आहे. यापूर्वी कंपनीने असा दावा केला होता की त्याने अवघ्या पाच मिनिटांत 3,50,000 Mi 11 विकल्या आहेत आणि आता कंपनीच्या या फोनने रेकॉर्ड तोडला आहे. 
 
Redmi K40 सीरिजच्या फोनच्या वैशिष्ट्यांविषयी सांगायचे तर Redmi K40 मध्ये 6.67 इंचाचा AMOLED Full HD+ HDR10+ डिस्प्ले आहे, ज्याचा डिस्प्ले रिफ्रेश रेट 120 हर्ट्ज आणि त्याचा टच सॅम्पलिंग रेट 360Hz आहे. या फोनमध्ये क्वालकॉमचा Snapdragon 870 प्रोसेसर आहे. हा फोन Android 11 च्या MIUI 12 ऑपरेटिंग सिस्टमवर आधारित आहे.
 
ट्रिपल कॅमेर्‍याने सुसज्ज
कॅमेरा म्हणून या फोनमध्ये 48-मेगापिक्सलचा प्राथमिक सेन्सर असलेला ट्रिपल रियर कॅमेरा आहे, ज्यामध्ये 8-मेगापिक्सलचा अल्ट्राव्हायोलेट लेन्स आणि 5-मेगापिक्सलचा मॅक्रो लेन्स आहे. रेडमी K40 मध्ये 20 मेगापिक्सलचा सेल्फी कॅमेरा आहे. पावरसाठी, या फोनमध्ये 4,520mAh ची बॅटरी आहे, जी 33W फास्ट चार्जिंग सपोर्टसह येते.
 
कंपनीने Redmi K40 ला 4 वेरिएंटमध्ये लॉन्च केले आहे, त्यातील 6GB RAM + 128GB  स्टोरेज व्हेरिएंटची किंमत 1,999 युआन म्हणजे 22,000 रुपये आहे. त्याचबरोबर 8GB RAM + 128GB  स्टोरेज व्हेरिएंटची किंमत 2,199 युआन म्हणजेच 24,700 रुपये आहे. त्याच्या 8GB RAM + 256GB + 256 GB स्टोरेज व्हेरिएंटची किंमत 2,499 युआन म्हणजेच 28,100 रुपये आहे आणि टॉप व्हेरिएंट 12GB RAM + 256 GB स्टोरेज व्हेरिएंटची किंमत 2,699 युआन म्हणजे 30,300 रुपये आहे.