'ऑस्कर' भारताच्या पदरात, 'द एलिफंट व्हिस्परर्स' डॉक्युमेंट्रीची बाजी

Download

Updated: Mon, 13 Mar 2023 (08:25 IST)

social media

कार्तिकी गोन्सालवेस आणि गुनीत मोंगा यांच्या ‘द एलिफंट व्हिस्परर्स’ या डॉक्युमेंट्रीला यंदाच्या ऑस्कर्समध्ये बेस्ट डॉक्युमेंट्री ऑन शॉर्ट सब्जेक्ट हा पुरस्कार मिळाला आहे.

95 व्या ऑस्कर समारंभात या पुरस्काराची घोषणा झाली.

‘द एलिफंट व्हिस्परर्स’ ही या कॅटेगरीत पुरस्कार मिळवणारी पहिली भारतीय फिल्म ठरली.

या आधी भारताला दोनदा – द हाऊस दॅट आनंदा बिल्ट आणि अॅन एनकाऊंटर विथ फेसेस या दोन डॉक्युमेंट्रीजसाठी अनुक्रमे 1969 आणि 1979 ला नामांकनं मिळाली होती.

ही डॉक्युमेंट्री मदुमलाई अभयारण्यातल्या रघू नावाच्या एका अनाथ हत्तीच्या पिल्लाची कहाणी सांगते.

बोम्मन आणि बेल्ली हे आदिवासी कुटुंब त्याची काळजी घेतं. मानव-प्राणी यांचं भावविश्व हळूवारपणे या डॉक्युमेंट्रीत उलगडून दाखवलं आहे.

गुनीत मोंगा यांनी ट्वीट करून आनंद व्यक्त केलाय. दोन महिलांनी हे करुन दाखवलंय, असंही त्या ट्वीटमध्ये म्हणाल्या आहेत.

दिग्दर्शक शौनक सेन यांची 'ऑल दॅट ब्रिद्स' या डॉक्युमेंट्रीला सुद्धा ऑस्कर पुरस्काराचं नामांकन होतं. मात्र, याच कॅटेगरीत असलेल्या 'नवाल्नी' या डॉक्युमेंट्री फिचर फिल्मला पुरस्कार मिळाला.
Published By -Smita Joshi