संबंधित माहिती
- अजित पवारांच्या नावाचा वापर करण्यापूर्वी कुटुंबीयांची परवानगी बंधनकारक असणार
- बीड आणि पुण्याच्या पालकमंत्रीपदी सुनेत्रा पवार, शासनाकडून परिपत्रक जारी
- पुण्यात उद्यापासून पुढील १४ दिवसांसाठी जमावबंदी लागू होणार!
- WHO चा गंभीर इशारा! इबोलाच्या पार्श्वभूमीवर पुणे विमानतळावर प्रवाशांची तपासणी सुरू
- नीट पेपरफुटी प्रकरणात सीबीआयने मनीषा हवालदारला पुण्यात अटक केली
पुण्यात आजपासून १४ दिवसांची जमावबंदी! पुणे महानगरपालिकेचा मोठा निर्णय; परिपत्रक जारी
पुणे शहरात कायदा व सुव्यवस्थेची स्थिती राखण्यासाठी पुणे पोलीस आयुक्तालयाने आज रात्रीपासून (२६ मे २०२६) पुढील १४ दिवसांसाठी जमावबंदीचे आदेश लागू केले आहेत. हा आदेश २६ मे ते ८ जून २०२६ पर्यंत लागू राहील.
पेट्रोल-डिझेलच्या वाढत्या किमतींविरोधात विविध संघटना आक्रमक झाल्याच्या पार्श्वभूमीवर, तसेच आगामी बकरी ईद आणि इतर सणांच्या काळात शहरात शांतता टिकून राहावी यासाठी पोलिसांनी हे पाऊल उचलले आहे.
जमावबंदीच्या काळात काय सुरू आणि काय बंद?
५ किंवा अधिक लोकांना एकत्र येण्यास बंदी: सार्वजनिक ठिकाणी पाच किंवा त्यापेक्षा जास्त व्यक्तींनी एकत्र जमण्यास सक्त मनाई आहे.
आंदोलन आणि सभांवर बंदी: शहरात कोणत्याही प्रकारचे मोर्चे, आंदोलने, निदर्शने आणि जाहीर सभा घेण्यावर पूर्णपणे बंदी घालण्यात आली आहे.
शस्त्र बाळगण्यास मनाई: तलवार, भाला, काठी, लाठी, बंदूक किंवा शरीराला इजा पोहोचवू शकेल अशी कोणतीही वस्तू सार्वजनिक ठिकाणी सोबत बाळगता येणार नाही.
ज्वलनशील पदार्थांवर निर्बंध: कोणतेही दाहक, स्फोटक आणि ज्वलनशील द्रव पदार्थ सार्वजनिक ठिकाणी सोबत नेण्यास बंदी असेल.
चिथावणीखोर गोष्टींवर कारवाई: सार्वजनिक शांतता भंग करू शकतील अशा घोषणा देणे, चिथावणीखोर गाणी किंवा वाद्य वाजवल्यास कायदेशीर कारवाई केली जाईल.
या आदेशाचे उल्लंघन करणाऱ्या व्यक्तींवर पुणे पोलिसांकडून तातडीने गुन्हे दाखल केले जातील.
पुणे महापालिकेचे इंधन बचतीचे कडक आदेश
दुसरीकडे, वाढता आर्थिक भार कमी करण्यासाठी पुणे महानगरपालिकेने आपल्या अधिकारी आणि कर्मचाऱ्यांच्या वाहन वापराबाबत कडक नियमावली जाहीर केली आहे:
कार पुलिंग अनिवार्य: एकाच ठिकाणी जाणाऱ्या वेगवेगळ्या अधिकाऱ्यांनी स्वतंत्र वाहन न वापरता एकाच वाहनाने (कार पुलिंग) जाणे बंधनकारक करण्यात आले आहे.
सार्वजनिक वाहतुकीचा वापर: कार्यालयीन कामासाठी मंत्रालय, उच्च न्यायालय किंवा इतर ठिकाणी जाण्यासाठी कर्मचाऱ्यांना एसटी बस, रेल्वे, मेट्रो किंवा लोकलचा वापर करावा लागेल. तसेच आठवड्यातून किमान एक दिवस सार्वजनिक वाहतुकीने प्रवास करणे अनिवार्य आहे.
ऑनलाईन बैठका: पालिकेच्या सर्व बैठकी, प्रशिक्षण सत्रे आणि चर्चासत्रे प्रत्यक्ष न घेता आता ऑनलाईन पद्धतीने आयोजित केली जातील, जेणेकरून प्रवासाचा आणि इंधनाचा खर्च वाचेल.
