संबंधित माहिती
- आरोग्य विभागाने पहिला अहवाल पोलिसांना सादर केला,दीनानाथ मंगेशकर रुग्णालयाची चूक असल्याचे म्हटले
- सुप्रिया सुळे तनिषाच्या कुटुंबाला भेटणार,या प्रकरणात दिली प्रतिक्रिया
- तनिषा भिसे मृत्यू प्रकरण : अशी घटना रोखण्यासाठी एसओपी तयार करण्याचे मुख्यमंत्री फडणवीस यांचे आश्वासन
- माणुसकीला काळिमा, पैशांसाठी दीनानाथ मंगेशकर रुग्णालय प्रशासनाने महिलेचा जीव घेतला, शिवसेनेचा रुग्णालयाच्या बाहेर निदर्शन
- पुणे : आईने क्रूरतेच्या सर्व सीमा ओलांडल्या, जुळ्या मुलांना पाण्यात बुडवून केली हत्या
दीनानाथ मंगेशकर रुग्णालय प्रकरणाची एसआयटी चौकशीची काँग्रेसची मागणी
गर्भवती महिलेला रुग्णालयात दाखल न केल्याच्या आरोपावरून दीनानाथ मंगेशकर रुग्णालयावर टीका होत आहे. आता काँग्रेसने या प्रकरणाची एसआयटी चौकशीची मागणी केली आहे. पुण्यातील गर्भवती महिलेच्या मृत्यूची चौकशी करण्यासाठी निवृत्त न्यायाधीशांच्या अध्यक्षतेखाली विशेष तपास पथक (एसआयटी) स्थापन करण्याची मागणी महाराष्ट्र काँग्रेसचे अध्यक्ष हर्षवर्धन सपकाळ यांनी शुक्रवारी केली.
10 लाख रुपये जमा करूनही पुण्यातील दीनानाथ मंगेशकर रुग्णालयात महिलेला दाखल करण्यास नकार देण्यात आल्याचा आरोप आहे. पुण्यात पत्रकारांशी बोलताना सपकाळ म्हणाले की, संबंधित डॉक्टर आणि रुग्णालयातील कर्मचाऱ्यांविरुद्ध सदोष मनुष्यवधाचा गुन्हा दाखल करावा.
मार्चच्या शेवटच्या आठवड्यात गर्भवती महिला तनिषा भिसे हिला 10 लाख रुपयांची आगाऊ रक्कम जमा न केल्याबद्दल दाखल करण्यास नकार दिल्याने तनिषा भिसे यांना दुसऱ्या रुग्णालयात नेण्यात आले असता जुळ्या बाळांना जन्म दिल्यावर तनिषाचा मृत्यू झाला
या घटनेची चौकशी करणाऱ्या चार सदस्यीय समितीने असे निदर्शनास आणून दिले आहे की रुग्णालयाने धर्मादाय रुग्णालयांना आपत्कालीन परिस्थितीत आगाऊ पैसे मागण्यास मनाई करणाऱ्या नियमांचे उल्लंघन केले आहे.
काँग्रेस नेते सपकाळ म्हणाले, "या प्रकरणाची चौकशी निवृत्त न्यायाधीशांच्या अध्यक्षतेखालील एसआयटीकडून करावी. जबाबदार डॉक्टर आणि रुग्णालयातील कर्मचाऱ्यांविरुद्ध सदोष मनुष्यवधाचा गुन्हा दाखल करावा."
त्यांनी आरोप केला की दोन अहवालांमध्ये रुग्णालयाला दोष देण्यात आला आहे, तर तिसरा अहवाल हा प्रकरण लपविण्याचा प्रयत्न आहे. सपकाळ यांनी दावा केला की, "असे दिसते की राज्य सरकार यामध्ये सहभागी असलेल्यांना संरक्षण देण्याचा प्रयत्न करत आहे." या मुद्द्यावर मंगेशकर कुटुंबाच्या कथित मौनावरही त्यांनी प्रश्नचिन्ह उपस्थित केले.
Edited By - Priya Dixit
