साहित्य : 11/2 कप राजमा रात्रभर भिजवून निथळू घेतलेले, 5 ग्रॅम आले, 6 पाकळ्या लसूण, 1/4 कप वनस्पती तेल, 2 अख्ख्या लाल सुक्या मिरच्या, 1 मोठा कांदा किसलेला, 1 1/2 टोमॅटो चिरलेले, 1/2 चमचा तिखट, मीठ चवीप्रमाणे, 2 कप पाणी, गरम मसाला 1 चमचा.
कृती : सर्वप्रथम कुकरमध्ये तेल गरम करून त्यात मिरच्या घाला, कांदा घाला आणि गुलाबी होईपर्यंत परता. आले आणि लसणाचे पेस्ट करून ते घाला व थोड्या वेळ परता. टोमॅटो, मिरची पूड आणि मीठ घाला. मधून मधून ढवळत राहा, टोमॅटोचा गळेपर्यंत शिजवा नंतर त्यात राजमा आणि पाणी घालून कुकर बंद करा, व कमी आचेवर 20 मिनिटे शिजवा. कुकर उघडा व पळीच्या मागच्या बाजूने राजमा सायीसारखा मुलायम होईपर्यंत थोडा ठेचा. गरम मसाला पूड टाकून ढवळा. गरम गरम वाढा.
