फ्रीजमधून पाण्याची बाटली काढण्यावरून 14 वर्षीय मुलाची गोळ्या झाडून हत्या
एका 14 वर्षीय मुलाची किरकोळ कारणावरून गोळ्या झाडून हत्या करण्यात आली. सायरस कारमॅक-बेल्टन असे या व्यक्तीचे नाव असून ही घटना अमेरिकेतील दक्षिण कॅरोलिनामध्ये घडली आहे.
पोलिसांनी सांगितले की, काल रात्री दुकानदाराला संशय आला की या मुलाने त्याच्या दुकानातून 4 पाण्याच्या बाटल्या चोरल्या आहेत. तथापि सायरसने स्टोअरमधून पाण्याच्या बाटल्या चोरल्या नाहीत, त्या परत फ्रीजमध्ये ठेवल्या, त्यानंतर स्टोअरमधून पळून जाताना त्याची गोळ्या घालून हत्या करण्यात आली.
मीडिया रिपोर्ट्सनुसार, पोलिसांनी सांगितले की, 'जोपर्यंत तो तुमच्यासाठी धोकादायक नसेल तोपर्यंत तुम्ही पाठीमागे गोळी मारू शकत नाही.' या प्रकरणी पोलिसांनी 58 वर्षीय आरोपी रिक चाऊ याला अटक केली आहे. त्याच्यावर खुनाचा गुन्हा दाखल करण्यात आला आहे. मृत मुलाच्या मृतदेहाजवळून एक पिस्तूल जप्त करण्यात आले आहे. चाऊच्या मुलाचाही या गुन्ह्यात सहभाग असल्याचे बोलले जात आहे. त्यानेच चाऊला सायरसकडे बंदूक असल्याची माहिती दिली. तथापि, सायरसने चाऊ किंवा त्याच्या मुलाकडे बंदूक दाखवल्याचा कोणताही पुरावा नाही.
आरोपी चाऊकडे शस्त्र ठेवण्याचा परवाना आहे, मृताच्या पंचनामा अहवालात मुलाच्या पाठीत गोळी लागल्याचे समोर आले आहे. दरम्यान या घटनेनंतर परिसरात तणावाचे वातावरण असून लोकांनी याला विरोधही केला आहे.
