शुक्रवार, 23 फेब्रुवारी 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified: गुरूवार, 1 जून 2023 (12:24 IST)

फ्लॅटमध्ये आई आणि मुलीचे मृतदेह आढळले

death
Delhi News दिल्लीतील कृष्णा नगर येथील फ्लॅटमध्ये आई आणि मुलीचे मृतदेह आढळले आले आहे. दरोडा टाकण्यासाठी घरात घुसून चोरट्यांनी वृद्ध महिला आणि तिच्या मुलीची गळा चिरून हत्या केली. राजराणी करार (64) आणि त्यांची मुलगी गिन्नी करार (30) अशी मृतांची नावे आहेत. फ्लॅटमध्ये दोघांचेही मृतदेह कुजलेल्या अवस्थेत आढळून आले. किडे मृतदेह खात होते.
 
मृतदेह पाच ते सहा दिवसांचा असावा असा अंदाज आहे.
मृतदेह पाच ते सहा दिवसांचा असल्याचा संशय पोलिसांनी व्यक्त केला आहे. घरातील कपाटे उघडी आढळून आली आहेत. वृत्त लिहेपर्यंत एफएसएल पथक घटनास्थळावरून पुरावे गोळा करत होते. याप्रकरणी कृष्णा नगर पोलिस तपास करत आहेत.
 
पोलिसांनी सांगितले की बुधवारी रात्री आठ वाजता कृष्णा नगर येथील ई-ब्लॉक घर क्रमांक 17/2 च्या पहिल्या मजल्यावर 200 यार्डमध्ये बांधलेल्या फ्लॅटमधून दुर्गंधी येत असल्याची माहिती मिळाली. 
 
पोलीस घटनास्थळी पोहोचले असता दरवाजा बंद असल्याचे दिसले, दरवाजाला दोन प्रकारचे स्वयंचलित कुलूप होते. पोलीस शेजारच्या बाल्कनीतून महिलेच्या बाल्कनीत पोहोचले आणि खिडकी तोडून आत शिरले. हॉलमध्ये आई-मुलीचे मृतदेह पडले होते, किडे मृतदेह खात होते.
 
महिलेचा पतीपासून घटस्फोट झाला असून त्या आपल्या मुलीसोबत राहत होत्या असे तपासात समोर आले. त्या ऑल इंडिया रेडिओमधून निवृत्त झाल्या होत्या. त्यांची मुलगी एका खासगी कंपनीत काम करत होती आणि गेल्या अनेक महिन्यांपासून घरून काम करत होती. वृद्धेच्या पतीचे काही वर्षांपूर्वी निधन झाले होते. घरातून कोणकोणत्या वस्तू लुटल्या याचा तपास पोलीस करत आहेत.
 
ओळखीच्या व्यक्तींवर खुनाचा संशय 
वृद्धाने घराला स्वयंचलित कुलूप लावल्याचे तपासात पोलिसांना समोर आले. महिला आणि त्यांच्या मुलीच्या बोटांच्या ठशांनी कुलूप उघडले. वृद्धाच्या ओळखीच्या व्यक्तीने ही घटना घडवून आणली असावी, असा संशय पोलिसांना आहे. पोलिसांनी दरवाजाचे कुलूप उघडले नव्हते, ते शेजारच्या बाल्कनीतून वृद्धाच्या घरी गेले होते.
 
मृतदेह किती जुने आहेत हे अद्याप निश्चितपणे कळू शकलेले नाही, शवविच्छेदनानंतरच नेमकी स्थिती कळेल. पोलीस काही जणांची चौकशी करत आहेत.