बस दरीत कोसळून नवजात बालकांसह 27 जणांचा मृत्यू

Mexico Bus Accident मेक्सिकोमध्ये बुधवारी एका बसला भीषण रस्ता अपघात झाला. या अपघातात 27 जणांचा मृत्यू झाला, तर 21 जण जखमी झाले. अधिकाऱ्यांनी दिलेल्या माहितीनुसार मेक्सिकोच्या दक्षिणेकडील ओक्साका राज्यातून जात असलेली बस दरीत कोसळल्याने हा अपघात झाला.

ओक्साकाचे गृहमंत्री जीसस रोमेरो यांनी सांगितले की, एक अर्भक, 13 पुरुष आणि 13 महिलांचा मृत्यू झाला, तर अन्य 21 जण जखमी झाले. त्यापैकी 12 जणांची प्रकृती गंभीर असल्याचे सांगण्यात येत आहे.

बसचा अपघात कसा झाला?

बस राजधानी मेक्सिको सिटी ते पश्चिम ओक्साका येथील योसेंडुआला जात होती असे समजले जात होते जेव्हा ड्रायव्हरचे अचानक नियंत्रण सुटले आणि स्थानिक वेळेनुसार 6:30 च्या सुमारास मॅग्डालेना पेनास्को शहरात अपघात झाला.

मेक्सिकोत बुधवारी झालेल्या बस अपघाताने जुन्या अपघातांच्या आठवणींना उजाळा दिला. याआधी एप्रिलमध्ये पश्चिम मेक्सिकोमध्ये एका कठड्यावरून बस कोसळून 18 जण ठार आणि डझनभर जखमी झाले होते.