नवी मुंबईत ब्लॅकमेल करत शारीरिक सुखाची मागणी करणाऱ्या कॅब ड्रायव्हरची तरुणीने प्रियकराच्या मदतीने केली हत्या
नवी मुंबईतील एका खाजगी कंपनीत काम करणाऱ्या एका 19 वर्षीय तरुणीने प्रियकराच्या मदतीने तरुणीला ब्लॅकमेल करून शारीरिक सुखाची मागणी करणाऱ्या कॅब चालकाची हातोड्याने मारहाण करून हत्या केल्याची घटना घडली आहे.अशी माहिती एका अधिकाऱ्याने दिली. अधिकाऱ्याने सांगितले की,6 एप्रिल रोजी या आरोपी जोडप्याने अहिल्यानगर जिल्ह्यातील संगमनेर मध्ये पोलिसांपुढे आत्मसमर्पण केले. आरोपींना अटक केल्यावर सदर माहिती मुंबई पोलिसांना देण्यात आली.
मयत कॅब चालकाचे नाव सुरेंद्र पांडे(43) आहे. आरोपी तरुणी पंजाबची रहिवासी असून तिला मुंबईला एका खाजगी कंपनीत नोकरी मिळाली. तिची ओळख एका तरुणाशी झाली. त्यांची जवळीक वाढली. मयत कॅब चालक सुरेंद्र पांडे यांनी आरोपी तरुणीला घर शोधण्यास मदत केली.
एके दिवशी तरुण तरुणीला भेटायला गेला असता मयत कॅब चालकाने त्यांचे व्हिडीओ बनवले. कॅब चालक तरुणीला व्हिडीओ दाखवत ब्लॅकमेल करत शारीरिक सुखाची मागणी करू लागला.
तरुणीने तरुणाला हे सर्व सांगितले. ते दोघे पांडे यांना भेटायला गेले तिथे त्यांच्यात वाद झाला आणि तरुणीने प्रियकराच्या मदतीने पांडेच्या डोक्यात हातोड्याने वार करत त्याची हत्या केली. नंतर ते दोघे टॅक्सी करून घटनास्थळावरुन पळून गेले. आणि पुण्याला गेले तिथे त्यांचा अपघात झाला.
पोलिसांनी दिलेल्या माहितीनुसार, तरुण तरुणीला संगमनेर त्याच्या घरी घेऊन केला आणि घडलेले आपल्या कुटुंबियांना सांगितले. कुटुंबीयांनी त्यांना पोलिसांच्या शरण जाण्यास सांगितले तिथे दोघांनी केलेला गुन्हा कबूल केला. त्यांनतर संगमनेर पोलिसांनी मुंबई पोलिसांनी ही माहिती दिली. मुंबई पोलीस मयत पांडेच्या घरी गेले असता त्यांना त्याचा मृतदेह कुजलेल्या अवस्थेत आढळला. पोलिसांनी मृतदेह ताब्यात घेतला असून दोन्ही आरोपींना अटक करून नवी मुंबईत आणण्यात आले. ते सध्या 15 एप्रिल पर्यंत पोलीस कोठडीत आहे. पोलीस प्रकरणाचा पुढील तपास करत आहे.
Edited By - Priya Dixit
