नागपूरमध्ये एअर इंडियाच्या विमानाचे आपत्कालीन लँडिंग, मोठा अपघात टळला

शुक्रवारी एअर इंडियाचे विमान अपघातातून थोडक्यात बचावले. टेकऑफ केल्यानंतर काही वेळातच नागपूरहून दिल्लीला जाणाऱ्या विमानाला एका पक्ष्याने धडक दिली. विमानाच्या इंजिनमध्ये कंपन जाणवल्याने पायलटने यू-टर्न घेऊन नागपुरात आपत्कालीन लँडिंग करण्याचा निर्णय घेतला. या धक्क्याने सर्व प्रवासी घाबरले. विमानात 170 प्रवासी होते. कोणतीही दुखापत झाली नाही.

एअर इंडियाच्या नागपूर-दिल्ली विमान क्रमांक 466ने संध्याकाळी 6.38 वाजता उड्डाण केले. टेकऑफ केल्यानंतर काही वेळातच वैमानिकाला विमानाचे इंजिन व्हायब्रेट होत असल्याचे लक्षात आले. त्याला असा संशय आला की एखाद्या पक्ष्याने विमानाला धडक दिली आहे.

वैमानिकाने विमान नागपूर विमानतळावर परत आणण्याचा निर्णय घेतला आणि एटीसीशी संपर्क साधला. विमान हिंगणा मार्गे सुरबर्डी, फेत्री, कळमेश्वर आणि सावनेर येथे गेले. तेथून विमान पाटण, सावंगी, कोराडी आणि कामठी मार्गे नागपूर विमानतळावर उतरले. लँडिंगनंतर लगेचच अभियंत्यांनी विमानाची तपासणी सुरू केली. या काळात प्रवासी सुमारे एक तास विमानात बसून राहिले.

सूत्रांनी दिलेल्या माहितीनुसार, विमानातील त्रस्त प्रवाशांनी जेव्हा राग व्यक्त केला तेव्हा त्यांना विमानातून खाली उतरवण्यात आले. त्यांना दुसऱ्या विमानात बसवण्याची व्यवस्था करण्याऐवजी, एअरलाइनने प्रवाशांना त्यांच्या तिकिटाची पूर्ण रक्कम परत केली. विमानतळावरील घटनेबद्दल संपर्क साधला असता, एमआयएल अधिकाऱ्यांनी सांगितले की नागपूरहून दिल्लीला जाणारे विमान तांत्रिक कारणांमुळे परत आले आहे.

Edited By - Priya Dixit