नाशिक अशोक खरात प्रकरणात मोठा खुलासा, घोटाळ्यात रूपाली चाकणकर यांची बहीण प्रतिभा चाकणकर खरातच्या भागीदार

Publish: Fri, 3 Apr 2026 (11:30 IST) Updated: Fri, 3 Apr 2026 (11:32 IST)

नाशिक सेक्स स्कँडलच्या तपासात धक्कादायक खुलासे झाले आहे. भोंदू बाबा अशोक खरातने अनेक लोकांच्या खात्यांचा वापर करून ५० कोटींहून अधिक रुपयांचे व्यवहार केले होते.

मिळालेल्या माहितीनुसार नाशिक सेक्स स्कँडलच्या तपासात आता अनेक खळबळजनक खुलासे समोर येत आहे. एसआयटीच्या तपासात असे उघड झाले आहे की, राष्ट्रवादी काँग्रेसच्या महिला नेत्या रूपाली चाकणकर यांची बहीण प्रतिभा चाकणकर या संपूर्ण घोटाळ्यात खरातच्या भागीदार होत्या.

पोलिसांच्या तपासात असे उघड झाले आहे की, खरातने रूपाली चाकणकर यांची बहीण प्रतिभा चाकणकर यांच्या नावावरील खात्यासह विविध खात्यांमधून ५० कोटींहून अधिक रुपयांचे व्यवहार केले होते.  

आपला घोटाळा लपवण्यासाठी, त्याने दुसऱ्यांच्या बँक खात्यांचा वापर करून व्यवहार केले. खरातचे नाव केवळ एक-दोन नव्हे, तर अनेक बँकांमधील १०० हून अधिक खात्यांमध्ये नॉमिनी म्हणून आढळते. त्याने अनेक लोकांच्या आधार कार्ड आणि पॅन कार्डचा वापर करून वैयक्तिकरित्या कोट्यवधी रुपयांचे व्यवहार केले. त्याच्याकडे अनेक लोकांचे खाते क्रमांकही होते. या फसवणूक करणाऱ्या खरातने या माहितीचा वापर करून अनेक आर्थिक घोटाळे केले असावेत, असा पोलिसांना संशय आहे.
खरातला गुरुवारी न्यायालयात हजर करण्यात आले. सुरक्षेच्या कारणास्तव, न्यायालयाची सुनावणी ऑनलाइन झाली, ज्यामध्ये खरातला ८ एप्रिलपर्यंत पोलीस कोठडीत पाठवण्यात आले.
Edited By- Dhanashri Naik